Túrmede jatqan Reseı saıasatkeri Navalnyı kóz jumdy

Reseıdegi Jazany óteý boıynsha federaldyq qyzmet 19 jylǵa sottalǵan reseılik oppozısııalyq saıasatker Alekseı Navalnyı qaıtys bolǵanyn habarlady, dep jazdy VVS-diń orys qyzmeti.

"16.02.2024 jyly № 3 túzetý mekemesinde sottalýshy Navalnyı ózin jaısyz sezinip, birden esinen tanyp qaldy" delingen federaldyq qyzmet habarlamasynda.

Habarlamada birden jetken medısına mamandary eshteńe isteı almaǵany, ólim sebebi anyqtalyp jatqany aıtylady.

Navalnyıdyń baspasóz hatshysy Kıra Iаrmysh saıasatkerdiń ólgenin rastaǵan joq, tek anyqtap jatqanyn jetkizdi.

Pýtınniń opponenti, oppozısııalyq saıasatker Alekseı Navalnyı byltyr ekstremıstik is boıynsha 19 jylǵa sottalyp, jazasyn Vladımır oblysynda qatań rejımdegi kolonııada ótep jatqan.