16 Qazan, 2024 NEWS
Hýtordyń ókili delingen Hasannyń aǵasy Aslan Qasymbaev qyzmetinen ketti
Talǵar aýdany ákimi apparatynyń basshysy Aslan Qasymbaev qyzmetinen ketti.
Ashyq derekkózden
Sondaı-aq Talǵar aýdanynyń ákimi Aıdarbekov Tańat pen onyń orynbasary Aıbek Bıdaevqa sógis jarııalandy.
Eske salsaq, buǵan deıin Talǵar aýdany ákiminiń orynbasary Aıbek Bıdaev Aslan Qasymbaevtyń Hasanǵa týystyq qatynasyn rastaǵan da, joqqa shyǵarǵan da joq edi.
Onyń aıtýynsha, Aslan Qasymbaevtyń Talǵar aýdany ákimi apparatynyń basshysy bolyp otyrǵanyna eki jyldan asqan. Oǵan deıin Talǵar aýdanynyń Belbulaq aýyldyq okrýginiń ákimi bolyp jumys istegen.
Aıta keteıik, Aslan Qasymbaev "Hýtor bandasynyń" basshysy delingen Hasan Qasymbaevtyń aǵasy. Ol Talǵar aýdany ákimdiginiń apparat basshysy qyzmetinde 2 jyldan asa otyrǵan.
Al buǵan deıin Talǵarda jappaı tóbeles bolyp, onyń saldarynan 16 jastaǵy jasóspirim jigit qaza tapqan edi. Keıinnen jaǵdaıdyń mán-jaıy anyqtaldy. Janjal jasóspirimniń otbasy jumys isteıtin dúkende bastalǵan. Týystarynyń aıtýynsha, saýda núktesine kelgen satyp alýshy syra alyp, aqshasyn tóleýden bas tartqan. Osydan keıin tóbeles bastalǵan. Prokýratýra 7 kúdiktiniń qamaýǵa alynǵanyn habarlaǵan.
15 qazanda Ishki ister vıse-mınıstri 10 adam kúdikti dep tanylyp, qylmystyq is qozǵalǵanyn málimdedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir