Qazaqstanda keıbir turǵyndar úshin gaz 1,5 ese qymbattaýy múmkin

8 qyrkúıekte parlament májilisinde gazben jabdyqtaý jáne taýar gazyn únemdep tutyný máseleleri jónindegi zań jobasy usynyldy. Jobanyń negizgi baǵyttarynyń qatarynda turmystyq tutynýshylar arasynda únemdep tutyný júıesin engizý máselesi de engen. "Tarıfterdiń eki túri usynylady. Birinshisi-kommýnaldyq-turmystyq qajettilikter úshin gazdy tutynýdyń shekteýli kólemi sheńberinde bolsa, ekinshisi belgilengen normalardan joǵary tutyný kezinde paıdalanylady. Ekinshi jaǵdaıda 1,3 (nemese 1,5) joǵarylatý koeffısıenti qoldanylady. Osylaısha, birinshi tarıf ortasha tutynýshylar úshin turaqty tómen bolyp qalady. Osyǵan baılanysty tarıfterdi bekitý júıesine de ózgerister engizilip jatyr. Bekitilgen normalardy arttyrý koeffısıentin Energetıka mınıstrligi bekitedi. Mundaı júıe elektr energııasy úshin sátti qoldanylyp keledi", - dedi Ekonomıkalyq reforma jáne óńirlik damý komıtetiniń hatshysy Ekaterına Smyshlıaeva.