09 Qazan, 2024 NEWS
Dastan Ryspekov Ulytaý oblysynyń ákimi laýazymyna taǵaıyndaldy
Memleket basshysynyń Jarlyǵymen Dastan Adaıuly Ryspekov Ulytaý oblysynyń ákimi laýazymyna taǵaıyndaldy. Bul týraly Aqordanyń baspasóz qyzmeti málim etti.
Foto: QR Úkimeti
Ryspekov Dastan 1984 jyly Jezqazǵan qalasynda týǵan. Ál-Farabı atyndaǵy Qazaq Ulttyq ýnıversıtetin jáne QazMZÝ Almaty zań akademııasyn bitirgen.
Eńbek jolyn 2006 jyly Almaty qalasyndaǵy Ekonomıka jáne bıýdjetti josparlaý departamentiniń boljamdaý jáne túsimder bóliminiń bas mamany retinde bastaǵan.
2007-2016 jyldary Almaty qalasynda Ekonomıka jáne bıýdjettik josparlaý departamentinde, Almaty qalasy boıynsha Tekserý komıssııasynda, Astana qalasy respýblıkalyq bıýdjettiń atqarylýyn baqylaý jónindegi esep komıtetinde basshylyq laýazymdarda jumys istedi.
2018-2019 jyldary — Pavlodar oblysy Kásipkerlik, saýda jáne týrızm basqarmasynyń basshysy, Pavlodar q..
2019 jyldyń sáýir aıynan bastap «Astana EKSPO-2017» UK» AQ Ekonomıka jáne bıýdjetti josparlaý departamentiniń dırektory qyzmetin atqardy.
2020 jyldyń aqpan aıynan bastap Mádenıet jáne sport mınıstrligi Týrızm ındýstrııasy komıtetiniń tóraǵasy qyzmetin atqardy.
Eske sala keteıik, buǵan deıin Memleket basshysynyń Jarlyǵymen Berik Ábdiǵalıuly Ulytaý oblysynyń ákimi laýazymynan bosatylǵanyn jazǵan bolatynbyz.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir