Astanada AES salýǵa qatysty jıyn ótti

Astana qalasy Qalalyq orta sapasy jáne baqylaý basqarmasynyń uıymdastyrýymen elorda qurylysshylaryna AES salý máselesine oraı kezdesý ótti.

Jıynǵa Astana qalalyq máslıhatynyń depýtaty, №5 emhana dırektory Altynshash Tabýldına, "Amanat" partııasy Saryarqa aýdandyq fılıalynyń atqarýshy hatshysy Ardan Aralbaı jáne qoǵam belsendisi, zańger Nursultan Orynbekov qatysty.

Kezdesýge kelgen spıkerler referendým men AES salý mańyzdylyǵy týraly oılarymen bólisti. Elordadaǵy birqatar qurylys kompanııasynyń ókilderi AES týraly barlyq jerde uǵynyqty jáne kerekti aqparattar jetkilikti túrde berilse bul máselege qurylysshylar da, jalpy halyq ta qarsy bolmaıtynyn jetkizdi. Ásirese, qazir telearnalar kórýden góri radıony tyńdaıtyndar kóptigin aıtqan olar BAQ-tyń osy túrinen mazmundy, dáıekti derekter aıtylsa degen oıyn bildirdi. 

– AES salý boıynsha referendýmda oń sheshim qabyldap, keler urpaq aldynda júzimiz jarqyn bolatyndaı áreket etýimiz kerek. Sebebi atom elektr stansasyn salý arqyly elektr energııasyn biz bireýden almaı, ózimiz óndiremiz. Ony salýǵa jáne jumysyn júrgizýge bizdiń áleýetimiz jetedi. AES salý bizge ne úshin kerek? Birinshiden, bizdiń elimiz ýran óndirýden alǵashqy orynda, al barlaý júrgizilgen tabıǵı ýran qory boıynsha 2-oryn alamyz. Iаdrolyq otynnyń komponentterin ózimizde óndiremiz. Sonymen qatar qoldanystaǵy jylý stansalarynyń basym bóligi 70 paıyz tozǵan, — deıdi Nursultan Orynbekov.

Kezdesý sońynda barlyq qatysýshylarǵa AES týraly málimetter jazylǵan broshıýralar taratyldy.