"О́tinishim bar". Marqum Sherzattyń ákesi málimdeme jasady

- Qurmetti qazaq eli! Sizderdiń aldaryńyzda basymdy ıemin. Kóp-kóp rahmet sizderge. Meni qoldap, balam úshin qol ushyn berip jatyrsyzdar. Men Qonaev qalasynyń Ishki ister departamentinen keldim. Ol jerde is oń jaǵynan qaralyp jatyr. Bizge advokattar kelip kómektesip jatyr. Marqum bolǵan Saltanattyń aǵasynyń da kómegi bar, ol kisige de alǵysymdy aıtamyn, - dedi Qarjaýbaı Nurymov.

Ol halyqqa mıtıngige shyqpańyzdar dep ótinishin aıtty.

- Eshqandaı mıtıngige shyqpańyzdar, qantógis bolmasa eken. Bir shoǵyrlanǵan adamdar kelip, sol sátti dushpandarym paıdalanýy múmkin. Kóterilis jasap, meni aıaqtan shalyp, baýyryma qastandyq jasaı ma deımin. Sol sebepti, halqym, ótinip suraımyn: esh kóterilis kerek emes! О́z qaǵıdam – zań aıasynda durys, ári ádil sheshim suraımyn. Artyq eshteńe suramaımyn. Shyny kerek, qandaı da bir aqparattar bolyp jatsa, ózim ǵana bólisemin. Vıdeojazba, aýdıojazba, fotolarǵa senbeńizder. Aqyly túrde advokat jaldaýǵa týra keledi. О́zim úshin qoryqpaımyn. Kim kelse de, qandaı jaǵdaı bolsyn sóılese alam, óz basyma jaýap bere alam. Al otbasymnyń jeke qaýipsizdigi ýaıymdatady, - deıdi marqumnyń ákesi.