15 Qazan, 2024 NEWS
Ekonomıka 4 paıyzǵa ósti, aılyq nege ósken joq: Mınıstr jaýap berdi
Qarjy mınıstri Mádı Takıev Úkimet otyrysynan keıin ótken baspasóz máslıhatynda el ekonomıkasymen birge qazaqstandyqtardyń jalaqysy nege óspeı jatqanyn aıtty.
Foto: ashyq derekkózden
«Qazaqstan ekonomıkasy keıingi 3 aı boıy 4 paıyzdyq ósimdi kórsetip otyr. Nege qazaqstandyqtardyń jalaqysy óspeıdi?» - dep surady jýrnalıst.
Mınıstr ekonomıka ósimi men aılyq ósimniń arasyndaǵy alshaqtyq el ekonomıkasynyń qurylymyna baılanysty ekenin aıtady.
«Bul statıstıkany biz de bilemiz. Qazaqstanda 150-300 myń teńgege deıin jalaqy alatyn adamdardyń úlesi - 35 paıyz, 300-600 myń teńgege deıin alatyndar - 36 paıyz. Ary qaraı azaıady. Búgingi tańda ekonomıkanyń qurylymynyń ózi sondaı», - dedi ol.
Vedomstvo basshysy aılyǵy az adamdarǵa memleket kóp kómektesip jatqanyn aıtady.
«Jalpy kóp kómek berip jatyrmyz. Eki-úsh jylda azamattyq qyzmetkerlerge, muǵalimder men dárigerlerge jalaqy eki ese kóbeıdi. Taǵy kóbeıedi dep senemiz. Eń tómengi jalaqy 85 myń teńge boldy. Áleýmettik saladaǵy mınıstrlik qarap jatyr. Kóteriletin shyǵar. Jalpy jalaqyny kóteremiz», - dedi Mádı Takıev.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir