15 Qazan, 2024 NEWS
Prokýratýra Sherzat Bolattyń ólimine qatysty sottyń ashyq ótýin suraıdy
Almaty oblysynyń prokýratýrasy Talǵarda asqan qatigezdikpen óltirilgen 16 jastaǵy Sherzat Bolattyń ólimine qatysty sot ashyq ótýin suramaq.
Ashyq derekkózden
Almaty oblysynyń prokýrory Berik Adamov tergeý jumystary kezinde zań buzýshylyqtardyń bolmaǵynyn málimdedi.
“Jábirlenýshi tarap sottyń ashyq ótýin talap etip jatyr. Tergeý barysynda eshqandaı zań buzýshylyqtar bolǵan joq. Prokýratýra sottyń onlaın rejımde, ashyq ótýin suraıdy”, – dedi Berik Adamov.
Sondaı-aq polısııa Talǵardaǵy oqıǵa ornynda túsirilgen vıdeonyń tarap ketýine baılanysty qylmystyq is qozǵady. Ishki ister mınıstriniń birinshi orynbasary Baýyrjan Álenov bir kún buryn áleýmettik jelide "Qamajaı" dúkeniniń aldynda túsirilgen vıdeo taraǵanyn aıtty.
“Bul vıdeo keshe (14 qazan – shamamen) áleýmettik jelide paıda boldy. Ishki qaýipsizdik departamenti bul fakti boıynsha qylmystyq is qozǵady. Bul vıdeonyń áleýmettik jelige qalaı taralǵanyn anyqtaý kerek. Jaqynda ǵana is qozǵadyq, osy istiń aıasynda mán-jaıdyń bárin anyqtaımyz dep oılaımyn”, – deıdi Ishki ister mınıstriniń ókili.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir