Qazaqstanda aldaǵy ýaqytta Birikken Arab Ámirliginiń banki ashylmaq

Madına Ábilqasymovanyń sózinshe, naryqqa sheteldik bankterdiń kelýi stavkanyń tómendeýine, básekeniń damýyna alyp keledi. Sondaı-aq eldegi ekinshi bankter de sıfrlandyrý turǵysynan joǵary deńgeıge jetkenin aıtady. 

"Bank qyzmeti, nesıelendirý naryǵynda báseke damıdy dep oılaımyn. Báseke bar jerde ońtaıly jaǵdaı týyndaıdy. Bizdiń bankter de turaqty. Búginde sıfrlandyrýǵa qomaqty qarjy quıyp jatyr. Sondyqtan sheteldik bankter el naryǵyna kelse de, básekege túse alady dep oılaımyn", – deıdi ol. 

Agenttik tóraǵasy qazirgi ýaqytta birneshe mıkroqarjy uıymynyń ekinshi deńgeıli bankke aınalý prosesinen ótip jatqanyn aıtty. Budan bólek eldegi "Islam bankine" ıelik etetin 

"BNK Finance” ońtústikkoreıalyq kompanııasy bank lısenzııasyn alyp jatyr. Sonymen qatar Bereke Bank-ti satyp alý arqyly katarlyq ınvestor bizdiń naryqqa endi. Al Birikken Arab Ámirliginen Abu Dhabi Commercial Bank-tiń naryqtaǵy qatysý úlesin keńeıtý boıynsha úlken jumystar atqarylyp jatyr. Bank BAÁ-degi kólemi boıynsha úshinshi orynda tur, aktıvi 155 mıllıard dollar. Olar eldegi Islam bankine ıelik etedi. Aldaǵy ýaqytta ámbebap bank qyzmetterin usyný boıynsha ruqsat almaq", – dedi Madına Ábilqasymova. 

Agenttik tóraǵasy óz sózinde KMF pen Solva mıkroqarjy uıymdarynyń da bank lısenzııasyn alý prosesinde ekenin tilge tıek etti.