Pavlodarlyq áskerı bólimder tekserilip jatyr

Ulttyq ulan Bas qolbasshysynyń orynbasary general-maıor Baýyrjan Ábjanov bastaǵan arnaıy komıssııa alǵashqy tekserý jumystaryn Pavlolardaǵy 5512 áskerı bóliminen bastady.

Tórt jylda bir keletin arnaıy tekseriste Pavlodar, Abaı jáne Shyǵys Qazaqstan oblystaryndaǵy Ulttyq ulan áskerı bólimderiniń jaýyngerlik daıarlyǵy men kásibı biliktilikteri synǵa túsýde.

Basty maqsat - "Shyǵys" óńirlik qolbasshylyǵy áskerleriniń jaýyngerlik jaı-kúıin, áskerı qyzmetshilerdiń kásibı qabiletterin anyqtaý. Tekseris barysynda áskerı qyzmetshiler oqý-jattyǵý, taktıkalyq, dene jáne atys daıarlyǵy, memlekettik quqyqtyq daıyndyq, áskerı topografııa jáne basqa da negizgi pánder boıynsha synaq tapsyrady.