• USD 468.56

  • EUR 497.56

  • RUB 7.3

  • CNY 67.18

23 Mamyr, 17:24:16
Almaty
+35°

19 Sáýir, 2024 Mádenıet

Etnograf Bolat Bopaıulynyń jańa kitaptary jaryq kórdi

I.Krylov atyndaǵy kitaphanada etnograftyń qurmetine kitap buryshy ashyldy

Foto: Qamshy.kz

18 sáýir kúni Almatydaǵy I.Krylov atyndaǵy kitaphanada etnograf Bolat Bopaıulynyń «Adamzat rýhy – qamshy» jáne salt-dástúrge baılanysty «Folıant» baspasynan shyqqan «Qazaq dástúrleri», «Qazaq dastarhany», «Qazaq batasy», «Qazaq yrym ǵuryptary» atty 4 kitabynyń tanystyrylymy ótti.

Alǵysóz

Sondaı-aq atalmysh kitaphanada etnograftyń qurmetine «Tylsymnyń tili – ortaq til» buryshy ashylyp, onyń kitaptary men tóte jazýymen jazǵan qoljazba eńbekteri qoıyldy.

Kitaphana buryshy

Keshtiń alǵysózin ashqan Halyqaralyq «Alash» ádebı syılyǵynyń ıegeri, aqyn Baqyt Bedelhan kitaphanadaǵy buryshtyń ashylý maqsaty «adamnyń dúnıege kelip, ósip-ónip, baqılyq bolǵanyna deıingi ǵuryptyń bárindegi mol maǵyna, tereń taǵylymdy urpaq sanasyna sińirý» dep túsindiredi.

Al Etnograf Bolat Bopaıuly:

-Qazaq salt-dástúrlerine baılanysty kishkentaı kitaptarymyz aldaǵy ýaqytta úlkn jıyn-toılarda toıbastar retinde taratylatyn bolady. Al «Adamzat rýhy – qamshy» kitabymyzda qamshynyń dáleldengen 72 túri týraly jazdym. «Qamshy» saıtynyń jetekshisi Bilál Qýanysh deıtin baýyrymyz «Altyn qamshy», «zamanaýı qamshy», «bala qamshy» t.b qamshynyń túrlerin jasap shyǵaryp, ári kitaptyń shyǵýyna sebepshi boldy, – deı kele, qamshyny tek mal aıdaıtyn ne áıel sabaıtyn qural degen jansaq túsinikten arylyp, qamshynyń ózge de qasıetimen kitap arqyly tanysýǵa shaqyrdy.

Tusaýkeser

Jıyn barysynda etnograftyń dosy, aqyn, jýrnalıst Slıamhat Seıithamzauly men «Alatau Aqparat» JShS medıaholdınginiń Bas dırektory Erjan Qalymbaıuly sóz sóılep, jyly lebizderin bildirdi.

Kesh sońy kúıshi Arshyn Kásimbaıulynyń kúıimen aıaqtaldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir