24 Qazan, 2024 Shyǵys Qazaqstan oblysy
Foto: Abaı oblysy ákimdigi
Kókpekti aýdanynda kezekte turǵandardy baspanamen qamtý jumystary qarqyndy júrgizilýde. Qol qoıylǵan memorandým aıasynda árbir páterdiń aýdany 85 sharshy metr bolatyn 50 turǵyn úıdiń qurylysy bastaldy.
Qazirgi ýaqytta Kókpekti aýylynda eki páterli bes, Úlkenbóken aýylynda on, Úlgilimalshy aýylynda tórt, Shuǵylbaı aýylynda úsh turǵyn úı salynýda. Sondaı-aq Terekti jáne Sháriptoǵaı aýyldarynda eki turǵyn úı qurylysy júrip jatyr.
Respýblıka kúni merekesine oraı Kókpekti aýylynda jańa úılerdiń kiltin saltanatty túrde tabystaý rásimi ótti. Sharaǵa aýdan ákimi Ádilet Qojanbaev qatysyp, jańa qonystanýshylardy kópten kútken qonys toılarymen quttyqtady.
Baspanaǵa ıe bolǵandardyń biri, kóp balaly ana Dınara Tóleýǵalıqyzy óz qýanyshymen bólisti.
«Kóp jyldar boıy otbasymyzben jaldamaly páterde turdyq. Baspana kezeginde turdym. О́z baspanamyz bolsa dep armandadyq. Búgin armanymyz oryndalyp, úsh bólmeli keń páter aldyq. О́te qýanyshtymyz», - dedi Dınara Tóleýǵalıqyzy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir