20 Qarasha, 2024 NEWS
2027 jyldan bastap balabaqshalarǵa lısenzııa berilmek
Májilis Oqý aǵartý mınıstrligi bastamashy bolǵan bilim berý jáne bala quqyqtaryn qorǵaý máseleleri boıynsha zańdy ekinshi oqylymda qabyldady. 2027 jyldan bastap balabaqshalardy lısenzııalaý tártibi engiziledi.
Kórneki sýret
Iаǵnı, depýtattardyń bastamasymen osy zańǵa 2027 jylǵy 1 qańtardan bastap mektepke deıingi tárbıe men oqytý salasyndaǵy qyzmetterdi kórsetetin uıymdardy lısenzııalaý tártibi engizilmek.
- Zań kásibı qabyldaýshy otbasylar qyzmetiniń quqyqtyq negizderin, osy saladaǵy quqyqtyq qatynastar sýbektileriniń quqyqtary men mindetterin, sondaı-aq qorǵanshylyq nemese qamqorshylyq salasyndaǵy kásibı qabyldaýshy otbasylar men ýákiletti organdardyń ózara is-qımyl tetikterin anyqtaıdy. Sondaı-aq, qosymsha bilim berý uıymdary (úıirmeler, seksııalar jáne t.b.) úshin qyzmetti bastaý nemese toqtatý týraly habarlama tártibi belgilenedi. Tehnıkalyq jáne kásiptik bilim beretin uıymdarda onlaın oqytý nysany men akademııalyq utqyrlyq qaǵıdaty, sondaı-aq menshik nysanyna qaramastan mektepterdegi áleýmettik jaǵynan osal otbasylar sanatyndaǵy balalarǵa áleýmettik kómek kórsetý tetikteri qarastyrylady”, – delingen habarlamada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir