О́nerden sportqa deıin: Astanada stýdentter festıvaliniń jeńimpazdary anyqtaldy

Elordada JASTAR JALYNY-2024 stýdenttik shyǵarmashylyq-sporttyq festıvaliniń qorytyndysy shyǵaryldy. Halyqaralyq stýdentter kúni qarsańynda jeńimpazdardy marapattaý rásimi ótti, dep habarlaıdy Astana ákimdiginiń resmı saıty.

Festıvaldiń maqsaty jastardyń shyǵarmashylyq áleýetin ashý jáne daryndy stýdentter men ujymdardyń damýyna jaǵdaı jasaý boldy.

Is-shara barysynda stýdentter sport pen ónerdegi jetistikterin kórsetip qana qoımaı, komandada jumys isteýge, óz oıyn bildirýge jáne kóshbasshylyq qasıetterin kórsetýge úırendi.

"Stýdenttik ómir – bul máńgi este qalatyn ýaqyt, ony umytý múmkin emes. Jastar – qoǵamnyń qozǵaýshy kúshi, odan ári damýdyń negizi jáne ár eldiń bolashaǵy. Búgingi tańda elordada qalamyzdyń damýyna úles qosyp, bolashaǵymyzdy qamtamasyz etetin 450 myń jas turady. Qurmetti jastar, Sizderdi merekelerińizben quttyqtaımyn! Jarqyn estelikterge toly jastyq sizderge tek jetistikter men qýanyshty sátke toly bolsyn", - dedi festıval jeńimpazdaryn quttyqtaǵan Astana qalasy ákiminiń orynbasary Eset Baıken.

Konkýrstyq baǵdarlamaǵa elordanyń 15 JOO-nyń 100 myńǵa jýyq stýdenti qatysty.

Festıval qatysýshylaryn kásibı mádenıet, óner jáne sport qaıratkerleri, sondaı-aq belgili ártister, horeograftar men vıdeograftar baǵalady.

Stýdentter fýtbol, voleıbol, shahmat, ústel tennısi, estrada, dombyra, ulttyq jáne zamanaýı bı, teatr jáne mobılografııa sııaqty óner jáne sport túrleri boıynsha baq synasty.

"Jeńis jaqsy daıyndyq pen óz qabiletterine degen senimdiliktiń nátıjesi boldy. Festıvalde jańa adamdarmen aralasý meni shabyttandyrdy. Stýdentterdiń shahmatqa qyzyǵýshylyq tanytyp, ózderine qoldaý kórsetip jatqanyn kórý qýanysh pen motıvasııa beredi", - dedi álem chempıony, Qazaqstan men Azııanyń birneshe dúrkin chempıony, Qazaqstan áıelder quramasy quramasyndaǵy Olımpıadanyń kúmis júldegeri, dene shynyqtyrý jáne buqaralyq sport akademııasynyń stýdenti Merýert Kamalıdenova.

Gran-prı barlyq nomınasııalardyń qorytyndysy boıynsha eń kóp ball jınaǵan Qazaq ulttyq óner ýnıversıtetine berildi. Festıvaldiń bas júldesi 500 000 teńgeni qurady. Ekinshi komandalyq orynǵa dene shynyqtyrý jáne buqaralyq sport akademııasy, úshinshi orynǵa S. Seıfýllın atyndaǵy Qazaq agrotehnıkalyq zertteý ýnıversıteti ıe boldy.

Ár nomınasııanyń jeńimpazdary aqshalaı syılyqtarǵa ıe boldy. Birinshi oryn úshin 100 000 teńgeden, ekinshi orynǵa 70 000 teńgeden, úshinshi orynǵa 50 000 teńgeden tabys etildi.

Nomınasııalar boıynsha jeńimpazdar:
Shahmat: I oryn – dene shynyqtyrý jáne buqaralyq sport akademııasy, II oryn – Astana IT University, III oryn – Nazarbaev Ýnıversıteti.

Ulttyq bı: I oryn – Qazaq ulttyq horeografııa akademııasy, II oryn – Esil University, III oryn – Astana International University.

Mobılografııa: I oryn – S. Seıfýllın atyndaǵy Qazaq agrotehnıkalyq ýnıversıteti, II oryn – Qazaq ulttyq óner ýnıversıteti, III oryn – Qazaq ulttyq horeografııa akademııasy.

Ulttyq aspap (dombyra): I oryn – Qazaq ulttyq óner ýnıversıteti, II oryn – S. Seıfýllın atyndaǵy Qazaq agrotehnıkalyq ýnıversıteti, III oryn – L.N. Gýmılev atyndaǵy Eýrazııa ulttyq ýnıversıteti.

Estrada: I oryn – "Turan-Astana" ýnıversıteti, II oryn – Qazaq ulttyq óner ýnıversıteti, III oryn – Esil University.

Teatr: I oryn – Qazaq ulttyq óner ýnıversıteti, II oryn – L. N. Gýmılev atyndaǵy Eýrazııa ulttyq ýnıversıteti, III oryn – S. Seıfýllın atyndaǵy Qazaq agrotehnıkalyq ýnıversıteti.

Fýtbol: I oryn – dene shynyqtyrý jáne buqaralyq sport akademııasy, II oryn – Nazarbaev Ýnıversıteti, III oryn – S. Seıfýllın atyndaǵy Qazaq agrotehnıkalyq ýnıversıteti.

Ústel tennısi: I oryn – L. N. Gýmılev atyndaǵy Eýrazııa ulttyq ýnıversıteti, II oryn – dene shynyqtyrý jáne buqaralyq sport akademııasy, III oryn – Nazarbaev Ýnıversıteti.

Voleıbol: I oryn – dene shynyqtyrý jáne buqaralyq sport akademııasy, II oryn – Nazarbaev Ýnıversıteti, III oryn – Maqasut Nárikbaev ýnıversıteti.

Zamanaýı bı: I oryn – A.Q. Qusaıynov atyndaǵy Eýrazııa gýmanıtarlyq ınstıtýty, II oryn – Qazaq ulttyq óner ýnıversıteti, III oryn – Astana IT University.

Festıvaldiń sońǵy rásimi naǵyz shoýǵa ulasty. Is-sharada tanymal AYREE jáne QARAKESEK ártisteri óner kórsetti.