Foto: oblys ákimdigi
Semeıde 12,5 myń kórermenge arnalǵan jańa fýtbol stadıony qurylysynyń bastalýyna oraı saltanatty túrde kapsýla salyndy. Bolashaq zamanaýı sport arenasy uzaq jyldar qaraýsyz qalǵan eski «Pıshevık» stadıonynyń ornynda salynady. Qazir daıyndyq jumystary bastalyp ketti. Aýqymdy jobany aıaqtaý 2026 jylǵa josparlanǵan.
Sharaǵa qatysqan aımaq basshysy Nurlan Uranhaev jańa stadıonnyń salynýy Semeı qalasynyń sportyna aıtarlyqtaı ilgerileýden bólek, ekonomıkanyń damýyna serpin beretindigin atap ótti. Arenanyń zamanaýı dızaıny men syıymdylyǵy ÝEFA talaptary men standarttaryna sáıkes keledi.
Jańa stadıon tek fýtbol matchtaryn ǵana emes, iri mádenı jáne sporttyq sharalardy da ótkizetin óńirdegi basty sport nysanyna aınalady. Bul Semeıdiń fýtbol tarıhyn qaıta jańǵyrtý men onyń Qazaqstandaǵy jetekshi sport ortalyqtarynyń biri retinde oralýyna mańyzdy úles bolyp tabylady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir