Jetisýda bıýdjetten 74 mıllıon teńge jymqyrǵandar sottaldy

Sarqan aýdandyq turǵyn úı kommýnaldyq sharýashylyǵy bóliminiń basshysy men merdiger uıymnyń dırektory týrısttik obektilerdegi sanıtarlyq-gıgıenalyq toraptardy ornatýǵa arnalǵan 74,7 mln teńge bıýdjet qarajatyn jymqyrǵan, - delingen Prokýratýra taratqan habarlamada.

Prokýrorlyq tekseris, obekt iske qosylmaǵanyn, al bólingen qarajat jumsalyp ketkenin kórsetti.

Sarqan aýdanynyń prokýratýrasymen sotqa deıingi tergep-tekserý bastalyp, is sotqa deıin jetkizildi.

Sot úkimimen aýdandyq turǵyn úı kommýnaldyq sharýashylyǵy bóliminiń basshysy men merdiger uıymnyń dırektory túrli merzimdegi bas bostandyǵynan aıyrý jazalaryna sottaldy.

Sot úkimi zańdy kúshine engen joq.