17 Qazan, 2024 NEWS
"Ázili shekten shyqty": Qazaq tilin keleke etken Cherchesov aıyppul arqalady
Qazaqstan fýtbol federasııasynyń prezıdenti Ádilet Barmenqulov quramanyń bas bapkeri Stanıslav Cherchesovke qatysty qabyldanǵan sharalar týraly aıtty.
Ashyq derekkózden
Barmenqulovtyń sózinshe, baspasóz konferensııasynda qazaq tilinde suraq qoıǵan tilshini keleke etken bas bapkerge aıyppul salyndy.
- Qatelikter bolady, biz bul týraly jýrnalıstermen de sóılestik. Cherchesovtyń ázili, árıne, shekten shyqty. Men onymen jeke de sóılestim, memlekettik tildiń ózektiligi men mańyzyn túsindirdim. Oǵan aıyppul salyndy, - dedi Ádilet Barmenqulov.
Federasııa málimetinshe, aıyppul sommasy 200 AEK nemese 738 400 teńge.
Aıta keteıik, áleýmettik jelide fýtboldan Qazaqstan ulttyq quramasynyń bas bapkeri Stanıslav Cherchesovtiń qazaq tilin kemsitkeni týraly vıdeo tarady. Týrızm jáne sport mınıstrligi bul jaǵdaıǵa beıjaı qaramaı, Qazaqstan fýtbol federasııasyna resmı hat ta joldaǵan edi.
Al Senat depýtaty Gennadıı Shıpovskıh QHA múshesi retinde Stanıslav Cherchesovtiń qazaq tilin fransýz tilimen shatastyrǵan áreketine qatysty Sport mınıstri men Qazaqstan fýtbol federasııasyna úndeý joldady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir