16 Qazan, 2024 NEWS
"Anamyz bir! Qyrǵyz prezıdenti Toqaevpen kezdesýde qazaq aqynynyń poemasynan úzindi oqydy
Memleket basshysy Qasym-Jomart Toqaev Qyrǵyzstan Prezıdenti Sadyr Japarovpen shaǵyn quramda kelissózder ótkizdi. Aqorda rezıdensııasynda Qyrǵyz Prezıdenti Sadyr Japarovty saltanatty qarsy alý rásimi ótti. Eki eldiń memlekettik ánurandary oryndalǵannan keıin Qurmet qaraýyly rotasynyń basshysy Qazaqstan men Qyrǵyzstan prezıdentterine raport berdi.
Foto: ashyq derekkózden
Toqaev Sadyr Japarovtyń prezıdent retinde alǵashqy memlekettik saparyn Qazaqstannan bastaǵanynyń mańyzy zor ekenin atap ótti.
«Bul Qazaqstanǵa degen úlken qurmet. Saparyńyzdyń róli, maǵynasy aıyryqsha dep aıtýǵa bolady. Sebebi bul sapar eki elimizdiń arasyndaǵy qarym-qatynastarǵa úlken serpin beredi. Shyn máninde saparyńyzdyń baǵdarlamasy aýqymdy. Sondyqtan biz búgin eń ózekti máseleler boıynsha pikir almasamyz. Qudaı qalasa, eki halyqtyń múddesine saı tıisti kelisimderge qol jetkizemiz dep oılamyn», - dedi memleket basshysy.
Toqaev qazaq-qyrǵyz baılanystary arasynda dástúrli dostyqtyń bar ekenine, sondaı-aq, Qyrǵyzstan - elimiz úshin tek odaqtas memleket qana emes, baýyrlas memleket ekenin jetkizdi.
«Bul dástúrdi joǵary baǵalaımyz. Aldymyzda turǵan mindetimiz osy dástúrdi jalǵastyrý, nyǵaıtý. Sondyqtan búgingi kelissózderdiń mańyzy zor», - dedi Qasym-Jomart Toqaev.
Sadyr Japarov eki el arasyndaǵy qarym-qatynastardyń tereń ekenin sıpattaı otyryp, qazaqtyń belgili aqyny Juban Moldaǵalıevtiń «Men – qazaqpyn» poemasynan úzindi oqydy.
«Men qazaqpyn, qyrǵyz ol - týysqanym,
Birge tartqan tarlannyń quıysqanmyn.
Anamyz da qara kóz bir qyz, bálkı,
Bólip bergen egizge ýys nanyn», - dedi Sadyr Japarov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir