“Bir qolǵa - bir SIM-karta“. Qazaqstanda uıaly nómir josparyn engizý usynyldy

Búgin májilis otyrysy barysynda depýtattar eldegi alaıaqtyq jaǵdaılarynyń jıilep ketý taqyrybyn kóterdi. Sıfrlandyrý vıse-mınıstri Ashat Orazbek vedomstvonyń SIM-kartalardy bir qolǵa satýdy shekteý týraly usynyspen shyǵý nıeti týraly málimdedi.

"Qazir alaıaqtar áleýmettik jelilerde jumys isteıdi. Negizinen WhatsApp-ty qoldanady. Biraq WhatsApp baılanys operatorlaryn buǵattaı almaıdy (...) Uıaly nómirler josparyn memleketke qaıtarý úshin zańnamalyq bastama kóteremiz (...) Biz nómirlik jospardy memleketke qaıtaramyz jáne azamattar elektron úkimet portalynda nemese eGov mobile qosymshasy arqyly uıaly telefon nemes qalalyq baılanys nómirin alady. Sonymen qatar, bir adam alatyn SIM-kartalar sanyn shekteımiz. Al endi kommersııalyq maqsatta SIM-kartalardy baqylaýsyz alatyn zańdy tulǵalar - olar ár nómir úshin ony paıdalanýyn negizdeýi kerek bolady. Aldaǵy ýaqytta osyndaı bastamalarmen sizderge kelemiz", - dedi resmı ókil.