Kórneki sýret
Ulttyq rýhanı muramyzdy ulyqtaý, ana tilimizdiń, ataly sózimizdiń abyroıyn asqaqtatý, sóıleý sheberligin damytý maqsatynda S.Demırel atyndaǵy ýnıversıtette(SDU University) stýdentter arasynda III Respýblıkalyq «Dilmár» sheshendik óner baıqaýy ótedi. Jan-jaqty damyǵan kóshbasshy tulǵa qalyptastyrý maqsatynda ótetin baıqaýǵa elimizdiń ár óńirindegi onnan astam joǵarǵy oqý orynan iriktelgen, sóz qadirin jete túsingen talantty stýdentter qatysyp, asyl sózdiń arnasyn baıytyp, tájirıbe jınaıdy. Baıqaýdyń bas júldesi – 600 000 teńge, I orynǵa 400 000 teńge, II orynǵa 200 000 teńge, III orynǵa 100 000 teńgelik syıaqy qarastyrylǵan. Jalpy júlde qory 2 mıllıon teńgeni quraıdy. Demek, sheshendik ónerdi jastar arasynda jańǵyrtyp-jandandyrý jolynda buryndy-sońdy mundaı qomaqty qarjylaı syıaqy taǵaıyndalǵan kólemdi baıqaý ótken joq. Baıqaýdyń jalǵyz ári bas demeýshi, «Atamura» korporasııasynyń prezıdenti, ult janashyry, qoǵam qaıratkeri Qul-Muhammed Raqymǵalı Abraruly.
Babalardyń baı murasyn ulyqtaıtyn taǵylymy mol baıqaýdyń joba avtory – jýrnalıst, Abaı atyndaǵy respýblıkalyq daryndy balalarǵa arnalǵan mektep-ınternatynyń «Sheshendik óner» pániniń muǵalimi, «Dilmar» respýblıkalyq sheshendik ónerdi damytý klýbynyń negizin qalaýshy Jarqyn Sálenuly.
Baıqaýdyń maqsaty men mindeti: bilimgerge sóz óneriniń ereksheligi men júıeli sóz saptaý sharttaryn meńgertý, saýatty ári jatyq sóıleý daǵdysyn - sóıleý mádenıetin qalyptastyrý; sóz ónerimizdiń tarıhı-mádenı jáne etnomádenı bolmysyn taný, sóz qundylyǵyn baǵalaý, ulttyq tárbıe berý, sol arqyly ádebı til normasyna sáıkes memlekettik tildi qoldanýdyń jańa deńgeıin qalyptastyrý.
4 kezeńnen turatyn jekpe-jek sheshendik saıys jáne jeke saýaldarǵa jaýap berýge negizdelgen bólim boıynsha ótetin sóz dodasyna qatysýshylar taqyrypty jerebe arqyly taldap, jerebe arqyly juptasady. Aldyn-ala daıyndalatyn mazmun usynylǵanymen naqty taqyryp tek saıys ústinde ǵana beriletindikten saıyskerdiń oı ushqyrlyǵy, tapqyrlyǵy, jan-jaqty bilimi, aqyl-parasaty, tájirıbesi baıqaý kezinde sarapqa salynady. Sheshendiktiń sharttary osy ónerdiń túpnusqasyna meılinshe jaqyn bolǵandyqtan qyzyqty ári tartysty bolary daýsyz. Qazylar alqasy ár saıys sońynda jeke-jeke baǵa berip, pikir jáne usynys aıtady. Demek, baıqaýdy saıys ári tájirıbelik sabaq retindegi nátıjeli qadam dep qabyldaýǵa bolady.
Baıqaýǵa oqý ornynyń basshylyǵy, oqytýshylar men stýdentter, zııaly qaýym men BAQ ókilderi, ataly sózdi ardaqtaıtyndar qatysady.
Uıymdastyrýshylar: SDU University men Respýblıkalyq «Dilmar» sheshendik ónerdi damytý klýby
Bas demeýshi: «Atamura» korporasııasy
Ýaqyty: 22-shi qazan, 09:30
Orny: Qaskeleń qalasy, Abylaı han kóshesi 1/1, SDU Life ǵımaraty, Blue Hall zaly
Baılanys telefony: 8705 666 88 90(Jarqyn)
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir