17 Qazan, 2024 NEWS
Qazaqstanda kisi óltirý statıstıkasy nege ósip ketti: Vıse-mınıstr jaýap berdi
Ishki ister vıse-mınıstri Aıdos Rysbaev Májilistiń jalpy otyrysynan keıin BAQ ókilderine adam óltirý statıstıkasy nege ósip ketkenin túsindirdi.
Foto: ashyq derekkózden
«Biz toqsan saıyn, aı saıyn ár jumystyń nátıjesin qorytyndylaımyz. Qazirgi tańda tirkelgen qylmystar sany 8 myńǵa azaıdy. Bylaı qarasańyz, bul úlken san. Adam óltirý boıynsha 32 faktige ósip tur. Biraq adam óltirý statıstıkasynyń 22 fakt ishinde adam óltirýge oqtalý retinde saralanyp otyr. Iаǵnı, adamdar tiri qalǵan. Biraq dene jaraqaty aýyr bolǵannan keıin kisi óltirýge oqtalý bolyp taǵaıyndalady. Naqty adam óltirý sany tek 10 faktige ǵana kóbeıip tur», - dedi ol.
«Adamnyń máıiti tabylady, máıit tabylǵannan keıin biz qylmystyq is qozǵaımyz. Qylmysty jasyrý bolmas úshin ne sebepti qaıtys bolǵanyn anyqtaý úshin «adam óltirý» babymen is qozǵaımyz. Qazirgi tańda adam óltirý kórsetkishi byltyrǵy sanmen birdeı. Sondyqtan bizdiń turǵyndarǵa eshqandaı qaýip joq», - dep túıindedi vıse-mınıstr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir