Reseıdiń áskerı turǵydan jeńilmeıtini anyq – Toqaev

Jıynda Toqaev qaqtyǵysty beıbit túrde sheshý joldaryn qarastyrýdy qalaıtynyn atap ótti.

"Kansler Sholspen kelissóz barysynda aıtqanymdaı, Reseıdiń áskerı turǵydan jeńilmeıtini anyq. Bul – Reseıdiń áskerı áleýeti, prezıdent Pýtın júrgizip otyrǵan saıasatty halqynyń qoldaýy jáne tarıhtyń ózi dáleldep otyrǵan fakt. Sondyqtan biz qaqtyǵysty beıbit túrde sheshý joldaryn qarastyrýdy, barlyq memlekettiń, sonyń ishinde Qytaı men Brazılııanyń aqylǵa qonymdy josparlaryn qoldaımyz. Basqa jol joq. Áıtpese, soǵys qos tarapty da joıyp tynady. Keıbir álemdik kúshter buǵan múddeli shyǵar. Biraq bul tyǵyryqqa tireıtin jol. Konstrýktıvti kelissózder arqyly beıbitshilikke umtylý – álsizdiktiń belgisi emes, kerisinshe, strategııalyq parasattylyqtyń kórinisi", – dedi prezıdent.

Birikken ulttar uıymyna kelsek, prezıdent ony nyǵaıtý kerek ekenin alǵa tartady. 

"О́ıtkeni onyń ornyn basatyn uıym joq. BUU-da kóptegen kemshilik bolǵanymen, bizde basqa balama joq. Sondyqtan Qazaqstan BUU rólin nyǵaıtý boıynsha osyndaı ustanymdaǵy barlyq elmen yntymaqtasa berýge nıetti. Aımaqtyq derjavalar men orta derjavalardyń úni, eń aldymen, Qaýipsizdik keńesinde estilýge tıis. Qaýipsizdik keńesi de reformaǵa muqtaj. О́ıtkeni ol, ókinishke qaraı, tyǵyryqqa tireldi. Al odan shyǵýdyń jolyn bárimiz birlesip tabýymyz kerek. Biz kelesi jyly 80 jyldyǵyn atap ótetin Birikken Ulttar Uıymyna qoldaý kórsetýimiz qajet, – dedi Qasym-Jomart Toqaev.

Budan soń ol orta derjavalardyń BUU mártebesin nyǵaıtý jáne mýltılateralızm qaǵıdattaryn ilgeriletý prosesindegi róli jaıynda suraq qoıdy.