Talǵardaǵy Sherzat Bolattyń ólimi: kúdiktilerdiń biriniń anasy vıdeoúndeý jasady

kris_p_talgar Instagram paraqshasynda kúdiktilerdiń biriniń anasy prezıdentke, bas prokýrorǵa jáne ishki ister mınıstrine jasaǵan vıdeoúndeýi jarııalandy. Vıdeodaǵy áıeldiń aıtýynsha, onyń uly men ulynyń dosy negizsiz qamaýǵa alynǵan. Olarǵa qylmysty habarlamaý jáne jasyrý baptary boıynsha aıyp taǵylyp otyr. Alaıda áıel olardyń qylmys ornynda bolmaǵanyn, tek keıinirek, bolary bolyp bitkennen keıin ǵana barǵanyn aıtady. Ustalǵan jigitterden aldymen jaýap alynyp, keıinnen bosatylǵan. Biraq 13 qazanda áıeldiń ulyn qaıta ustap áketken.

"Olardy ne úshin qamap qoıǵanyn túsinbeımin. Bul 13 adamdy jınaý maqsatynda istelip otyr ma? Olar tipti qylmys ornynda bolmaǵan da. Olar tipti ne jaǵdaı bolǵanyn da bilmegen. Alaıda qylmys ornynda bolǵan eki qyz kýáger retinde jaýap berip júr", - dedi kúdiktilerdiń biriniń anasy vıdeoda.

Al Almaty oblysynyń polısııa departamenti vıdeoǵa qatysty:

"13 qazanda úsh kúdikti qamaýǵa alyndy. Olarǵa Qylmystyq kodekstiń 434-baby – "Qylmys týraly habarlamaý" boıynsha aıyp taǵyldy. Tergeý is-sharalarynyń nátıjesinde kúdikti K. qylmys týraly habardar bolǵany anyqtaldy. Sottyń sanksııasymen ol eki aıǵa qamaýǵa alyndy. Qazirgi ýaqytta qylmystyq isti tolyq jáne obektıvti tergeý úshin qajetti tergeý áreketteri júrgizilip jatyr, onyń aıasynda barlyq qatysýshynyń is-áreketterine quqyqtyq baǵa beriledi", - delingen polısııa Instagram-daǵy paraqshasynda.