Foto: Ashyq derekkóz
Aqtaý qalasynyń basty kórikti jeri – teńiz jaǵalaýyn abattandyrýǵa jeke kásiporyndardyń jas qyzmetkerleri qoldaý kórsetti. Jaǵalaý ýchaskelerge bólinip, ár úılestirýshige bekitildi. Osylaısha, jaǵalaýdy abattandyrý tıimdirek bolady dep esepteıdi uıymdastyrýshylar.
9a yqshamaýdanyndaǵy ýchaskege «IKSOR Development» qurylys kompanııasy jaýapty boldy. Áleýmettik jeliler arqyly olar basqa belsendilerdiń basqosýyn uıymdastyrdy. 50 qyzmetkerge dzıýdo mektebiniń sportshylary, jaǵajaı voleıbolshylary, júgirýshiler men jas analar qosyldy. - Men Run klýbynda tańerteń júgiremin, balammen serýendeımin. Múmkindiginshe men árqashan jolda jatqan qoqystardy jınaımyn. Mundaı ekologııalyq bastamalar Aqtaýdy kórkeıtý úshin ǵana emes, turǵyndar úshin de mańyzdy, óıtkeni olar qala aldyndaǵy jaýapkershilikti sezinedi. Árkim óz qoqysyn ózi jınasa, Aqtaý budan da tazarar edi», – deıdi aqtaýlyq Jadyra Imanbaeva. Senbilikke qatysýshylar óz jumystaryn birneshe kezeńge bóldi. Aramshópter joıyldy, turmystyq qaldyqtar bólek jınaldy, tipti plastık bótelkelerdiń qaqpaǵy da paıdaǵa asty. Olar qaıyrymdylyq uıymyna beriledi. – Búginde munda bizdiń kompanııanyń 50 qyzmetkeri ǵana emes, túrli uıymdardyń ókilderi de qatysýda. Bizge «Men Aqtaýdy súıemin» kompozısııasynan bastap “Jartasty soqpaqqa” deıingi bólim bólindi. Olardy qyzyqtyrý úshin biz syılyqtar men sertıfıkattar daıyndadyq. Endi ekologııalyq sharalardy jıi uıymdastyrýǵa tyrysamyz. Basqa qurylys kompanııalaryn qatysýǵa shaqyramyn», – deıdi «IKSOR Development» kompanııasynyń ókili Aqmaral Ilıýbaeva. Sonymen, ekoaksııanyń belsendi qatysýshysy atanǵan balalarǵa kınoteatrǵa bıletter men sapbordqa sertıfıkattar tabys etildi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir