• USD 468.56

  • EUR 497.56

  • RUB 7.3

  • CNY 67.18

24 Sáýir, 22:55:03
Almaty
+35°

01 Naýryz, 2024 Túrkistan oblysy

Shymkentte tórt balabaqsha meńgerýshileri urlaǵan bıýdjet aqshasyn ornyna qoıdy

Balabaqshada joq balany bar dep kórsetip, olar bıýdjettiń jalpy somasy 29,6 mln teńge qarajatyn zańsyz ıemdengen bolyp shyqty.

Ashyq derekkózden alyndy

Shymkent qalasynyń prokýratýrasy sotqa deıingi tergep-tekserý nátıjesinde bıýdjetke keltirilgen zalal tolyq kólemde bıýdjetke qaıtarylǵanyn málimdedi.

Sot bir tulǵaǵa 3 jylǵa bas bostandyǵyn shekteý jazasyn qoldansa, bir tulǵaǵa 3 jyl 6 aı merzimge bas bostandyǵynan aıyrý jazasyn taǵaıyndady.

Máselen, Rysbekovanyń meńgerýindegi "Alı men Aııa" bóbekjaı-baqshasy" 2020 jyldyń naýryz aıynan bastap 2022 jyldyń jeltoqsan aıyna deıin balabaqshada joq 15 balany bar dep kórsetip, qujattar tapsyrý arqyly bıýdjetten 8,7 mln teńgeniń ústindegi qarjyǵa ıe bolǵan.

"Bul qylmys úshin sot úkimimen Rysbekova QK-tiń 190-baby 3-bóliginiń 1-tarmaǵy boıynsha kináli dep tanylyp, oǵan memlekettik uıymdarda jáne kvazımemlekettik sektor sýbektilerinde laýazymdy atqarýǵa ómir boıy tyıym salyndy jáne 3 jyl 6 aı merzimge bas bostandyǵynan aıyrý jazasy taǵaıyndaldy. Mundaı qatań úkimniń shyǵarylýy atalǵan tulǵanyń buryn da sotty bolyp, sot úkiminiń oryndalýy keıinge qaldyrylýy negiz boldy", dep habarlady Shymkent qalasynyń prokýratýrasy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir