TÚRKISTAN: «TAZA QAZAQSTAN» AIаSYNDA «TAZA AÝYL» EKOAKSIIаSY О́TTI

«Taza Qazaqstan» respýblıkalyq ekologııalyq baǵdarlamasy aıasynda Ordabasy aýdanynda «Taza aýyl» ekoaksııasy ótti. Tazalyq sharasyna aýyl ákimderi, zııaly qaýym ókilderi, mekeme qyzmetkerleri, ardagerler men jastar, aýyl turǵyndary qatysty.

Senbilik barysynda aýdan ortalyǵy Temirlan aýylynda kóshelerdi tazalaý, kógaldandyrý, abattandyrý jáne qoqystardan tazartý jumystaryn júrgizdi. Budan bólek, aǵash túpterin ákteý, retsiz ósken buta men shópterdi jınaý jumystary atqaryldy. Jalpy senbilikke aýdan boıynsha 1 myńǵa jýyq adam men arnaıy tehnıkalar jumyldyryp, 17 tonnaǵa jýyq qoqys jınaldy.

Sharaǵa qatysqan aýdandyq ardagerler keńesiniń tóraǵasy Bostandyq Bópeshbaıuly ordabasylyqtardy respýblıkalyq ekosharany el bolyp qoldaýǵa shaqyrdy.

«Tazalyq – densaýlyq kepili, bereke bastaýy. Tazalyq bolǵan jerde qut pen yrys bar. «Aýylyna qarap azamatyn tany» demekshi, el týraly pikir onyń aýyl-aımaǵyna qaraı aıtylady. Aınalamyz taza, kórikti bolsa, biz týraly aıtylar oı da jaqsy bolmaq. Sondyqtan óńirimizdi taza ustaıyq, lastamaıyq, óskeleń urpaqqa úlgi bolaıyq. Respýblıkalyq bastamany birge qoldaıyq», - dedi aqsaqal.

Condaı-aq, aýdandyq analar keńesiniń tóraıymy Záýre Ábish sharanyń mańyzdylyǵyna toqtaldy.

«Tazalyq – adamnyń rýhanı, mádenı jetilý deńgeıiniń kórsetkishi. Qorshaǵan ortanyń tazalyǵyna jaýapkershilikpen qaraý, tabıǵatty taza ustaý - árbir azamattyń boryshy. Qazaq halqy «birinshi baılyq – densaýlyq» dep tekten tek aıtpaǵan. Mine, sol densaýlyqtyń myqty bolýy tazalyqqa qatysty. Denniń saýlyǵy ár adam úshin qalaı mańyzdy bolsa, tazalyq ta dál sondaı mańyzdylyqqa ıe bolý kerek. Imanyńnyń jartysy bolǵan tazalyqty saqtaý ózińnen bastalady. Aýladaǵy qoqystardy shyǵarý, qoqysty kóshege tastamaý - eń aldymen tabıǵatqa, keıin aýdannyń kórkeıýine qosqan bir úles. Kóshedegi beı-bereket jatatyn qoqystar siz ben bizdiń densaýlyǵymyzǵa qanshalyqty keri áserin tıgizip jatqanyn kóp jaǵdaıda baıqaı bermeımiz. Sondyqtan aınalamyzdy tazartyp, abattandyrýmen aınalysaıyq», - dedi ardaqty ana.

Qoǵamda ekologııalyq mádenıetti qalyptastyrý men qorshaǵan ortany qorǵaýda «Úlgili aýla» jobasy aıasynda aýdandyq, aýyldyq óńirdegi belsendi azamattardyń bastamasymen kóshe boılary, úı aýlalary, kóp qabatty úılerdiń aınalasy turaqty túrde qoqystan tazartylýda.

Aıta keteıik, oblysta «Taza Qazaqstan» tazalyq sharasy bastalǵaly ótkizilgen is-sharalarǵa 80 myńǵa jýyq erikti qatysqan. Sondaı-aq, 17 aýdan, qala kóleminde 92 myńǵa jýyq aǵash kóshetteri jáne 10 myńǵa jýyq gúl otyrǵyzylyp, 1 174 tonna qoqys shyǵarylǵan. Sonymen qatar, 198 kıeli-mekenderde, kóshe boılaryndaǵy aǵashtardy ákteý, syrlaý jumystary atqarylyp, qoqys qaldyqtary shyǵaryldy. Budan ózge, Túrkistan oblysy Jastar resýrstyq ortalyǵynyń bastamasymen «Jas Túrkistan» eriktiler assosıasııasy qurylyp, «Bul - seniń óńiriń» aksııasy negizinde 500 jastyń qatysýymen tımbıldıng uıymdastyryldy.

Túrkistan oblysy О́ńirlik kommýnıkasııalar qyzmeti