Kórneki sýret
Shymkent qalasynyń azamattyq ister jónindegi aýdanaralyq soty Qorǵanys mınıstrliginiń tórt jaýapkerden 25 mlrd 93 mln teńge kóleminde keltirilgen materıaldyq zalaldy memleket paıdasyna óndirý týraly talap aryzyn ishinara qanaǵattandyrdy.
"Jaýapkerler áskerı bólimniń tehnıkalyq aýmaǵynda №14 ınjenerlik oq-dárilerdi saqtaý qoımasynda órt shyǵýyna jol bergenderi, ıaǵnı olardyń is-áreketterinen asa iri mólsherde shyǵyn kelgeni sotpen anyqtalǵandyqtan, keltirilgen materıaldyq zalaldy ortaqtasqan túrde 23 764 530 881 teńge kóleminde memleket paıdasyna óndirý týraly sheshim qabyldandy. Talaptyń 1 328 507 355 teńge óndirý týraly bóligi dálelder bolmaýyna baılanysty qanaǵattandyrýsyz qaldyryldy" delingen sot baspasóz qyzmeti taratqan habarlamada.
2021 jylǵy 26 tamyzda Jambyl oblysy Baızaq aýdany Qaınar jol torabynda ornalasqan №28349 áskerı bóliminiń ınjenerlik oq-dáriler qoımasynyń birinen órt shyǵyp, jarylystarǵa ákelip soqtyrǵan. Oqıǵa saldarynan 18 adam qaza taýyp, memleket pen jeke tulǵalarǵa asa iri mólsherde zalal kelgen.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir