«Gorelnık» termaldy bulaǵynyń tazalyǵyna kim jaýapty ekenin ekobelsendi aıtyp berdi

Bir kezderi áıgili «Gorelnık» termaldy bulaǵyn salǵan almatylyq kásipker, mesenat Sergeı Spısyn qazirgi ýaqytta ystyq bulaqtyń jaǵdaıy nashar ekendigi jaıly aqparatty joqqa shyǵardy. 

Bıznesmen eki radon sýy bar basseın ornalasqan alańnyń qazirgi jaǵdaıy týraly aıtyp, jelide beınejazba jarııalady.

Kásipker bul termaldy bulaqtyń jaǵdaıyna qatysty ınternette jaǵymsyz jazbalar paıda bolǵannan keıin týyndaǵanyn atap ótti.

Buǵan deıin bloger E. Edilov áleýmettik jelidegi paraqshasynda kıim aýystyrý kabınalary qoqysqa tolyp, emdeý aımaǵynyń astań-kesteńi shyǵyp jatqanyn kórsetken beıne jarııalaǵan bolatyn.

Bıznesmenniń aıtýynsha, beıne birneshe aı buryn túsirilgen. Sol kezde bulaq aýmaǵyn tazalaý jáne ony taza ustaý máselesin ekobelsendi dereý sheshken. Qazir mesenat tártipti qadaǵalaýdy jalǵastyryp otyrǵanyn aıtyp, jaqynda munda dárethana salýǵa ýáde berdi.

Aıta keteıik, «Gorelnık» ystyq bulaǵy «Medeý» muz aıdyny men «Shymbulaq» taý shańǵysy kýrortynyń arasynda teńiz deńgeıinen 1901 metr bıiktikte ornalasqan. Bul ystyq jáne sýyq mıneraldy sýy bar eki basseıni bar emdeý alańy. Munda sondaı-aq radonǵa baı bulaq bar. Sý 320 metrlik uńǵymadan alynyp, qubyr arqyly basseınderdiń qasyna quıylady.

2016 jyly ystyq bulaq tolyq jańǵyrtýdan ótti. Sol kezde alańnyń ózi de, onyń sporttyq bóligi de tolyq jańartyldy: úılerdiń ıntereri men ekstereri zamanaýı úlgige keltirildi, velosıped turaǵy paıda boldy jáne t.b. Sonymen qatar, munda dámdi taǵamdar usynatyn vızıt ortalyq salyndy.

Qazirgi tańda termaldy bulaq – almatylyqtar men megapolıs qonaqtarynyń súıikti demalys orny. Aıtpaqshy, kópshilik Shymbulaq nemese Medeýge barar aldynda «Gorelnıkke» soǵýdy dástúrge aınaldyrǵan.