18 Qyrkúıek, 2024 NEWS
Dáýlet Turlyhanov elimizde sport salasynda qandaı kemshilikter bar ekenin aıtty
Búgin Májilistiń jalpy otyrysynda depýtat Dáýlet Turlyhanov elimizdegi sportty damytýǵa qatysty usynystaryn jarııalady.
Foto: ashyq derekkózden
«Parıjde ótken Olımpıadanyń nátıjeleri qazaqstandyq sporttaǵy eleýli problemalardy kórsetti. Jalpy, jastar arasynda bilim berý mekemelerinde dene shynyqtyrý jáne sportpen shuǵyldanýǵa arnalǵan materıaldyq-tehnıkalyq bazanyń álsizdigi baıqalyp otyr. Bul jaǵdaı buqaralyq sportty damytý múmkindigin shekteıdi. Oqý oryndary ákimshiligi jaǵynan stýdenttik sportty damytýǵa jáne jastardyń jarystarǵa qatysýyna motıvasııa tómen deńgeıde. Ásirese, jastar arasynda salaýatty ómir saltyn nasıhattaý jetkiliksiz. Balalarmen jáne jastarmen jumys isteıtin bilikti mamandar men jattyqtyrýshylar tapshy. О́ńirlik deńgeıden bastap sporttaǵy joǵary jetistikter sabaqtastyǵynyń álsiz júıesin de atap ótken jón. Munymen qosa, óńirlerde olımpıadalyq sport túrlerin damytýdyń tómen deńgeıi kórinip tur», - dedi D.Turlyhanov Premer-Mınıstr Oljas Bektenovtiń atyna joldaǵan saýalynda.
Onyń paıymynsha, bul salaǵa qomaqty qarajat bólingenine qaramastan, bul shyǵyndardyń tıimdiligi tómen. Osy oraıda bul jaǵdaıdy jaqsartý úshin kelesi sharalardy qabyldaý usynyldy:
- sporttyq is-sharalardy qarjylandyrý prosesterin tolyǵymen sıfrlandyrý jáne qarajattyń maqsatty paıdalanylýyna onlaın-baqylaý júıesin engizý;
- sheteldik tájirıbeni qoldana otyryp, sporttyq is-sharalardy josparlaýdyń zamanaýı ádisterin qoldanýdy qolǵa alý;jas sportshylar men olardyń jattyqtyrýshylaryn, ásirese halyqaralyq jarystarda joǵary nátıjelerge qol jetkizetinder úshin kótermeleý júıesin kúsheıtý;sport nysandaryn basqarýda memlekettik-jekeshelik áriptestikti damytý. «Qazaqstandyq sportqa mańyzdy reformalar qajet. Sportty damytýdyń 2025-2028 jyldarǵa arnalǵan baǵdarlamasyn jáne 2032 jylǵa deıingi Damý strategııasyn bekitýdi usynamyz», - dedi depýtat.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir