19 Qyrkúıek, 2024 NEWS
Kóshpendiler oıyndary Qazaqstan ekonomıkasyna qansha qarajat ákeldi?
Týrızm jáne sport mınıstrligi ótken eki aptada Qazaqstanǵa 597 myńnan astam sheteldik týrıst kelgenin málimdedi.
Foto: ashyq derekkózden
Mınıstrlik jarııalaǵan málimetterge sáıkes, qyrkúıek aıynda elge 597 myń sheteldik týrıst kelgen. Olardyń 68 myńy Astana men Almaty áýejaılary arqyly kelse, 529 myńy jerústi kóligimen kelgen.
Eń kóp týrıst Qytaıdan (33 myńnan astam), Úndistannan (6 myńnan astam) jáne Germanııadan (4 myńnan astam) kelgen. Sheteldik qonaqtardyń jalpy shyǵyndary 15,5 mıllıon dollar (7,5 mıllıard teńge) boldy. Alys shetelderden kelgen týrısterdiń ortasha shyǵyndary 1500 dollar bolǵan.
"8-13 qyrkúıek aralyǵynda Astanada ótken Dúnıejúzilik kóshpendiler oıyndary Qazaqstan ekonomıkasyna 625 myń dollar ákeldi. Etnoaýyl men sharanyń ózine 250 myńnan astam kórermen kelgen", - delingen vedomstvo habarlamasynda.
Qyrkúıek aıynyń 8-13 kúnderi aralyǵynda elordada Dúnıejúzilik kóshpendiler oıyndarynyń ashylý rásimi ótti.
"Astana Arena" stadıonynda Qasym-Jomart Toqaev sóz sóıledi. Sharanyń qonaqtary retinde О́zbekstan prezıdenti Shavkat Mırzıeev, Qyrǵyzstan prezıdenti Sadyr Japarov, Túrikmenstannyń halyq máslıhaty tóraǵasy Gýrbangýly Berdimuhamedov, Tatarstan Respýblıkasynyń basshysy Rýstam Mınnıhanov, Saha Respýblıkasynyń basshysy Aısen Nıkolaevtar qatysty.
Odan bólek, 89 el sportshylarynyń sherýi ótti. Oıyndar 13 qyrkúıekte aıaqtaldy. Qorytyndy boıynsha, medaldar kestesinde Qazaqstan 115 medalmen birinshi oryn aldy. Ekinshi jáne úshinshi oryndarǵa Qyrǵyzstan men О́zbekstan ıe boldy.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir