04 Qarasha, 2024 NEWS
Hasan Qasymbaevtyń ne úshin ustalǵany belgili boldy
Talǵarda "Hýtor" bandasynyń basshysy dep atalǵan Hasan Qasymbaevtyń ne úshin ustalǵany belgili boldy. Ol 2021 jyly erejesiz jekpe jekten jattyqtyrýshyny urlap uryp soqty degen kúdikke ilindi.
Ashyq derekkózden
2021 jyldyń maýsymynda Talǵardaǵy er adamdy toppen uryp-soǵyp jatqany týraly vıdeo tarady. Sıpattamada jábir kórgen er adamnyń erejesiz jekpe-jek jattyqtyrýshysy Arman Álimov ekendigi atap ótildi.
Jábirlenýshiniń týystarynyń aıtýynsha, aldymen ony bir top adam ónerkásiptik kombınat aýdanyndaǵy "Vıktorııa" mınımarketiniń aldynda uryp-soqqan. Keıin Keńdala kentiniń mańyndaǵy kanalǵa aparyp, es-tússiz ekenine qaramastan taǵy urǵan. Odan ári aýyr jaǵdaıda Talǵar ortalyq aýrýhanasynyń jansaqtaý bólimine túsken. Keıin oǵan taǵy qysym kórsetpeý úshin ony Almaty medısınalyq mekemesine aýystyrǵan.
Osy jaıtqa baılanysty Almaty oblysynyń qylmystyq ister jónindegi mamandandyrylǵan aýdanaralyq sotymen sottalǵan bes kúdikti ustaldy. Búginde olar bas bostandyǵynan aıyrý oryndarynda jazasyn óteýdi jalǵastyrýda.
Eske salsaq, "Hýtor" bandasynyń jetekshisi degen Hasen Qasymbaev ustalǵany týraly habarlaǵan edik. Talǵardaǵy 16 jastaǵy Sherzattyń ólimine kináli "Hýtor" bandasynyń qatysy bar degen aqparat taraǵan edi. Alaıda Hasan Qasymbaev óziniń bul iske qatysy joq ekenin aıtyp, úndeý jasady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir