06 Qarasha, 2024 NEWS
Jumys isteıtin zeınetkerler zeınetaqydan qaǵyla ma? - mınıstr túsindirdi
Eńbek jáne áleýmettik qorǵaý mınıstri Svetlana Jaqypova zeınetkerlerge qatysty aıtqan málimdemesin joqqa shyǵardy.
Ashyq derekkózden
BAQ betterinde "jumys isteıtin zeınet jasyndaǵy adamdar zeınetaqydan qaǵylýy múmkin" degen aqparat taraǵan bolatyn.
Sarapshylardyń aıtqan bul usynysy qazirgi zeınetaqysyn alyp otyrǵan azamattarǵa eshqandaı qatysy joq. Buǵan deıin qalaı zeınetaqysyn alyp, jumysyn istedi, solaı ári qaraı da júre beredi. Úkimetpen kelisilgen eshqandaı zań jobasy joq. BAQ ókilderi "zeınetaqy júıesinde reforma bola ma" dep suraq qoıǵan kezde sizderge aldaǵy 2 jylda reformalar qarastyrylmaǵanyn aıttym, - dedi Jaqypova.
Jaqypova arnaıy sarapshylardyń boljamy arqyly eńbek naryǵyn zerttep otyrǵanyn aıtty.
Bıyldyń ózinde eńbek naryǵynda jumyssyz júrgen 300 myń jas bar. Olardy jumyspen qamtý kerek. Sondyqtan sarapshylar usynystar (esk - zeınetkerlerge qatysty) berip otyr, - dedi Eńbek mınıstri.
Sondaı-aq mınıstr aqparatty durys jetkizbegen jýrnalısterdi aıyptady.
Jýrnalıster tek bir sózdi julyp alyp, "haıp" jasady. Keıin qoǵamdy dúrliktirdi. О́tinemin, aqparatty durys jetkizińizdershi, - deıdi mınıstr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir