31 Qazan, 2024 NEWS
Qytaı túrmesindegi Aqjarqyn Turlybaı elge qaıta ma?
Bul suraqqa senat kýlýarynda Bas prokýrordyń orynbasary Ǵalymjan Qoıgeldıev jaýap berdi.
Ashyq derekkózden
Osydan 4-5 jyl buryn Aqjarqyn Turlybaıdyń isine qatysty otandasymyzdy elge qaıtarý baǵytynda prokýratýra jáne Syrtqy ister mınıstrligi belsendi jumys bastaǵan edi. Qazir ol jaıly aqparat az. Joqtyń qasy deýge bolady. Áleýmettik jelide elge qaıtaryldy, biraq ony jarııalamaı jatyr degen sııaqty ártúrli aqparat tarap jatyr. Osy baǵytta qandaı jumys júrip jatyr. Aqjarqyn Turlybaı qazir qaıda? Jáne ony elge qaıtarý maqsaty bar ma? - dep surady BAQ ókilderi.
- Aqjarqyn Turlybaıdyń isine qatysty aıtatyn bolsam, biz osy SIM-men birlese otyryp Qazaqstan azamatyn Qytaıdan qaıtarýǵa bar kúsh-jigerimizdi salýdamyz. Biz ol jumysty toqtatqanymyz joq. Ol jumys belsendi atqarylyp jatyr. Meniń oıymsha jaqyn arada oń sheshimin tabady dep senemin, - dedi Ǵalymjan Qoıgeldıev.
Onyń aıtýynsha, Aqjarqyn Turlybaı jazasyn elde ótegisi keledi.
О́z jazasyn elde ótegisi keletini jaıly aryzy bizge kelip túsken. Ol elge kelip ótegisi keledi. Advokaty bizben turaqty túrde baılanysta, - dedi ol.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir