Almaty oblysyna 7 aıda 420 mıllıard teńgeden astam ınvestısııa tartyldy

2024 jyldyń alǵashqy jeti aıynda Almaty oblysynda negizgi kapıtalǵa salynǵan ınvestısııa kólemi 423,8 mlrd teńgege jetti. Bul týraly oblystyq kásipkerlik jáne ındýstrıaldy-ınnovasııalyq damý basqarmasynyń basshysy Qýanysh Baqytuly málimdedi.

Bul kórsetkish ótken jyldyń sáıkes kezeńimen salystyrǵanda 27,7 paıyzǵa artyq.

Qol jetkizgen oń dınamıka, óńirdiń ınvestısııa tartý jáne qolaıly bıznes klımatyn qalyptastyrý saıasatynyń tıimdiligin kórsetedi. О́ńirlik úılestirý keńesiniń sońǵy otyrysynda tórt joba ınvestısııalyq mártebege ıe boldy, bul bıznes tarapynan joǵary qyzyǵýshylyqty kórsetedi. 

«Almaty oblysynda ınvestısııalyq jobalardy tartý jáne qoldaý boıynsha belsendi jumystar júrgizilýde», – dedi Qýanysh Baqytuly.

Oblysta Jalpyulttyq pýlǵa jáne Ulttyq sıfrlyq ınvestısııalyq platformaǵa engizilgen 34 ınvestısııalyq joba júzege asyrylýda. Sonymen qatar Almaty oblysynyń Biryńǵaı ındýstrııalandyrý kartasyna jalpy quny 208,8 mlrd teńgeni quraıtyn 19 joba engizilgen. 

Shaǵyn jáne orta bıznesti damytý da oblys úshin basym baǵyt bolyp tabylady.  Eseptik kezeńde oblystyń 373 eldi mekeninde 1266 jańa kásipkerlik nysany ashylyp, 32,2 mlrd teńge ınvestısııa tartyldy.

«Investısııa tartý men kásipkerlikti qoldaýdaǵy tabys – óńirdi damytýdaǵy strategııalyq kózqarastyń jemisi», – dep túıindedi sózin Qýanysh Baqytuly.

Belsendi ınvestısııalyq belsendilik aımaqtyń turaqty ekonomıkalyq ósýine, halyqtyń ómir súrý sapasyn jaqsartýǵa jáne bıznestiń jańa múmkindikterin qurýǵa yqpal etedi.