Qazaqstandyqtarǵa moped tirkeýge 6 aı ýaqyt beriledi

Senat kýlýarynda Ishki ister mınıstriniń orynbasary Igor Lepeha bul norma qaı ýaqyttan bastap qoldanysqa enetinin aıtty.

- Qazir zańǵa qol qoıylyp, ol resmı jarııalanady. Tıisti norma zań qabyldanǵan kezden bastap 6 aı ótken soń qoldanysqa engiziledi, - dedi Igor Lepeha. 

BAQ ókilderi mopedterdi memlekettik tirkeýden ótkizý qaı ýaqytta bastalatynyn naqtylady.

- Jarty jyl ýaqyt beriledi. Memlekettik tirkeýden ótýdi osy ýaqyt ishinde aıaqtaýyńyz kerek. Zańǵa qol qoıylǵan kezden bastap tirkeýden ótýge bolady. Ony birden jasaǵan jón. Eger qajetti qujattar bolsa, nege tirkeýden ótpeske? 6 aı ýaqyt beremiz. Altynshy aıynda barlyǵy tirkeýden ótýge barady, saldarynan kezek bolatyny belgili. Sondyqtan da zańǵa qol qoıylǵan kezden bastap bir aı ishinde tıisti quqyqtyq bazany retteımiz, - dedi mınıstrlik ókili.

Onyń aıtýynsha, zań jarııalanyp, jarty jyl ótkennen keıin moped mindetti memlekettik tirkeýden ótpegen jaǵdaıda ol aıyppul turaǵyna qoıylady.