Kórneki sýret
Bas prokýratýra azamattardy ońtústikten soltústik óńirlerge erikti túrde qonys aýdarý baǵdarlamasyn iske asyrýda 1 mlrd teńgeden astam qarajatty jymqyrý faktileri anyqtalǵanyn habarlady.
Jumqyrý derekteri azamattardy jalǵan qonys aýdarý jolymen jasalǵan.
"Qonys aýdarýshylar bolyp jalǵan adamdar esepke alynǵan, al qujattar tómen baǵamen satyp alynǵan kórineý turýǵa jaramsyz nemese apatty ǵımarattarǵa rásimdelgen. Keıbir jaǵdaılarda azamattar ózderiniń qujat boıynsha qonys aýdarylǵanyn bilmegen de. Mundaı faktiler ShQO, Qaraǵandy, Aqmola, Qostanaı, Abaı jáne Ulytaý oblystarynda anyqtaldy. Mysaly, Pavlodar oblysynyń Ýspen aýdanynda «Eńbek mobıldiligi ortalyǵy» KMM-niń qyzmetkeri arzan úılerdi taýyp, qonys aýdarýshylarǵa joǵary baǵamen satýdy usynyp, memleketten alynǵan qarajattyń bir bóligin ózine qaldyryp otyrǵan. Qazir sotqa deıingi tergep-tekserý júrgizilip, ortalyqtyń qyzmetkeri úıqamaqqa alyndy. ShQO-da qonys aýdarýshylar men satýshylar arasynda sóz baılasý jaǵdaılary anyqtaldy, olar memlekettik kómekti alý úshin jalǵan sharttar jasap, odan keıin bul qarajatty bólisken. Odan ári azamattar burynǵy mekenjaılarynda tura bergen" delingen prokýratýra habarlamasynda.
Kúdiktilerdiń biri alaıaqtyq jasaǵany úshin kináli dep tanylyp, bir jylǵa bas bostandyǵyn shekteýge sottalǵan. Prokýrorlar jalpy 20 sotqa deıingi tergep-tekserý isin bastaǵan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir