Elimizde 137 gıdrologııalyq beket salynady

«Kóktemgi sý tasqynynyń saldaryn bárińiz bilesiz. Biz qazir Qazgıdromet RMK damytý týraly tujyrymdama ázirlep jatyrmyz. Bul jerde birinshi másele gıdrometeorologııalyq beketterge kelip tireledi. Qazir bizge 137 gıdrologııalyq beket kerek, onyń 42-si Sý resýrstary jáne ırrıgasııa mınıstrliginiń baǵdarlamasy aıasynda salynady. Bul tasqyn kezinde sý aıdyndaryndaǵy onyń mólsherin ólshep, anyqtaýǵa múmkin beredi. Ashyq aıtý kerek búginde elimizde gıdrologııalyq beketter jetispeıdi», - dedi Erlan Nysanbaev Májilis otyrysynan keıin ótken baspasóz máslıhatynda.