Úkimettiń qarazy: 2029 jylǵa qaraı 48 462,9 mlrd teńgege jetedi

Memlekettik borysh qurylymyndaǵy úkimettik borysh 2029 jylǵa qaraı 48 462,9 mlrd teńgege deıin ulǵaıady. Qazir bul kórsetkish 32 843,6 mlrd teńge shamasynda. Bul týraly úkimettiń 2025–2029 jyldarǵa arnalǵan áleýmettik-ekonomıkalyq damý boljamynda aıtyldy.

Úkimet boljamynda valıýtalyq táýekelderdi boldyrmaý maqsatynda qaryz barynsha ishki naryqtan alynady aıtylǵan. Syrttan qaryz ishki naryqta ótimdilik jetkiliksiz bolǵan jaǵdaıda alynbaq.

«Eldiń jáne kvazımemlekettik sektordyń syrtqy memlekettik boryshynyń deńgeıin baqylaýdy qamtamasyz etý maqsatynda memlekettik qarjyny basqarý tujyrymdamasynda memlekettik jáne kvazımemlekettik boryshtyń joǵarǵy shekterin shekteý kózdelgen, olar jıyntyǵynda JIО́-niń 53,2%-ynan aspaýǵa tıis» delingen úkimet boljamynda.

Úkimet borysh 2029 jylǵa qaraı jalpy ishki ónimniń 20,7%-nan aspaıtynyn aıtyp, boljamdy parametrler belgilengen shekteýler deńgeıinde bolady málimdep otyr.