"Qazposhtanyń" 900-ge jýyq fılıaly jabylýy múmkin

"Qazposhta" aksıonerlik qoǵamynyń 900-ǵa jýyq bólimshesi jabylýy múmkin. Bul týraly Májilis depýtaty Erlan Saırov málimdedi. 

Depýtattyń aıtýynsha, ulttyq operatordyń qazirgi qarjylyq jaǵdaıy máz emes. 2017 jyly belgilengen tarıfter "Qazposhtanyń" shyǵyndaryn ótemeıdi. Máselen qyzmettiń ózindik quny – 247,67 teńge, al merzimdi basylymdardy aýyldarǵa jetkizýdiń bekitilgen tarıfi – 17,6 teńge. 2023 jyldyń qorytyndysy boıynsha "Qazposhta" shyǵyny shamamen 12,3 mlrd teńge bolǵan. Sýbsıdııa qajetti 8 mlrd teńgeniń 2,05 mlrd teńgesin ǵana jabady. 

2022 jyly 33 fılıal, 2023 jyly 13 fılıal jabylǵan. Endi 900-ge jýyq bólimshe jabylýy múmkin.