Tarazda jumysqa paramen ornalastyrǵan memorgannyń qos qyzmetkeri sottaldy

«Jambyl oblysy boıynsha tótenshe jaǵdaılar mınıstrligi Apattar medısınasy ortalyǵy» memlekettik mekemesi fılıaly basshysynyń mindetin ýaqytsha atqarýshy tulǵa sottaldy.

10 qyrkúıekte № 2 Taraz qalalyq sotynyń úkimimen «Jambyl oblysy boıynsha TJM Apattar medısınasy ortalyǵy» MM fılıaly basshysynyń m.ý.a. A.O. Mahasheva jáne osy fılıaldyń kadrlar jónindegi ınspektory L.T. Qalmuratova sottaldy. Olar feldsher retinde jumysqa ornalastyrý úshin jeke tulǵadan aıtarlyqtaı mólsherde para alǵany úshin kináli dep tanyldy. 
Olarǵa memlekettik qyzmette jáne kvazımemlekettik sektorda ómir boıy qyzmet atqarý quqyǵynan aıyra otyryp, tıisinshe 4 jáne 3,6 jyl bas bostandyǵynan aıyrý túrindegi jaza taǵaıyndaldy. Qylmystyq Kodekstiń 74-babynyń 1-bóligi negizinde jazany óteý merzimi kámeletke tolmaǵan balalardyń bolýyna baılanysty 4 jylǵa keıinge qaldyryldy" delingen Antıkor habarlamasynda.