Qazaqstan men Qytaı týrızm salasyndaǵy yntymaqtastyqty nyǵaıtady

Kórmedegi Qazaqstan stendi QR Týrızm jáne sport mınıstrliginiń tapsyrysy boıynsha Kazakh Tourism UK AQ jáne Almaty oblysy Týrızm basqarmasy Qazaqstannyń QHR-daǵy Elshiliginiń qoldaýymen uıymdastyrýda.

Ulttyq stendte Qazaqstannyń týrızm áleýetin 21 týrıstik sala ókili tanystyrady. Olardyń qatarynda 12 týroperator, 7 qonaq úı jáne demalys oryndary bar. Qazaqstan áleýeti zor týrıstik baǵyt retinde halyqaralyq tanymaldylyqqa ıe bolyp keledi. Elimizdiń týrıstik múmkindikteri China Media Group, Dragon Trail jáne basqa da jetekshi halyqaralyq platformalarda jahandyq aýdıtorııanyń nazaryn aýdarýda.

Qytaı Qazaqstan úshin negizgi týrıstik maqsatty naryqtardyń biri sanalady. Byltyr qarashada Qazaqstan men Qytaı azamattary úshin 30 kúntizbelik kúnge deıin ózara vızasyz rejım engizilse, bıyldan bastap Qazaqstan men Qytaı arasyndaǵy reıster sany artty. Qazirgi tańda Qazaqstan – Qytaı baǵyty boıynsha aptasyna 44 reıs oryndalady.

eQonaq júıesiniń derekteri boıynsha, bıylǵy 10 aıda Qazaqstanǵa QHR-dan 122 myńnan astam týrıst kelgen. Bul 2023 jylmen salystyrǵanda 64% kóp. Byltyrǵy 10 aıda elimizde 78 515 qytaılyq týrıst saıahattaǵan.

Kórme aıasynda Outbound Tourism Investment&Development Forum is-sharasynda Qazaqstannyń ınvestısııalyq áleýetin tanystyrý josparlanǵan.