Qazaqstandaǵy eń almaly aýyl - Almaty oblysynda!

Almaty oblysy Eńbekshiqazaq aýdanyna qarasty Qaraturyq aýyldyq okrýgi «Almaly baqtyń» aýdany boıynsha, oblys boıynsha, demek sáıkesinshe, Qazaqstan Respýblıkasy boıynsha birinshi orynda tur. Shaǵyn ǵana aýyldyń bolashaǵy zor.

Alma ósirýde zamanaýı ádis-tásilder men tehnologııalardy qoldanady. Mysaly, tamshylatyp sýarý jáne t.b. Jınalǵan ónim Qazaqstannyń barlyq aımaqtaryna jáne kórshi shetelderge eksporttalady eken.

Jalpy Qaraturyq aýyldyq okrýginde – 13 myń 643 adam turady. Qylmys az. Turǵyndar barlyǵyna rıza. Okrýgte birneshe ult ókilderi men etnıkalyq toptar ómir súrip jatyr. Halyqtyń aýyzbirshiligi joǵary deńgeıde. Halyq sanynyń azdyǵyna qaramastastan bolashaǵy bar aýyldardyń qatarynda. Oǵan dálel aýylǵa 1 mlrd-tan asa ınvestısııa bólinipti. Okrýgke qarasty, Arna jáne Lavar aýyldarynda jol jáne túngi jaryqtanyrý máselesi 100% sheshilip qoıǵan. Qaraturyq aýylynyń ózinde bul másele 68%-ǵa sheshimin tapty.

Shaǵyn jáne orta kásip te qarqyndy damyp keledi. 2,5%-ǵa 5 mln nesıe jáne qaıtymsyz grant alyp kásibin dóńgeletip otyrǵandar sany artty. Olar aýyl turǵyndaryn jumyspen qamtyp otyr. Nátıjesinde, jylyna tólenetin salyq sany artty. 2023 jyly 48,868 mln salyq tólense, 2024 jylǵa 59,447 salyq kólemi josparlanyp otyr.

Ashysaı aýylynda «Jaıly mektep» baǵdarlamasy aıasynda 600 oryndyq mektep jáne sport kesheni salynyp jatyr. Bul úsh aýysymda oqý máselesin sheshedi.

Shaǵyn aýyl bolsa da, úlken saýda ortalyǵy ashylypty. Ol jerde kıim-kerek, ashana, dárihana, shashtaraz, sýpermarket, avtobólshekter, santehnıkalyq zattar jáne t.b. tirshilikke kerektiniń bári bar. Bul úshin óńir basshysy baryn salýda. Aýyl ákimi Aıbek Qasymhanuly halqynyń tynyshtyǵy úshin barlyq ótinish pen aryz-shaǵymdar boıynsha múmkindiginshe qolynan kelgenin jasap otyrǵanyn aıtty. Biz de shaǵymdanýshy toptardy baıqamadyq. Memlekettik baǵdarlamalardy aýyl bolashaǵy úshin barynsha tıimdi paıdalanyp, árbir jobany óz baqylaýynda ustap otyr.

Aıta keteıik, Qaraturyq aýyldyq okrýginiń ákimi Ilebaev Aıbek Qasymhanuly. 1992 jyly týǵan. Osy aýdannyń azamaty. Ákim bolyp qyzmetke turǵanyna úsh jylǵa jýyqtapty. Úsh jylda biraz jumystardy atqarypty. Aýyl deýge aýyzymyz barmady. Tuńǵysh Prezıdent N.Á.Nazarbaevtiń jáne qazirgi Prezıdentimiz Qasym-Jomart Kemelulynyń Alǵys hattarymen marapattalǵan. Sonymen qatar, Almaty oblysy ákiminiń de Alǵys hatyna ıe boldy. 2018 jyly «Kóshbasshy» jastar syılyǵynyń jeńimpazy atanǵan. Halyq alǵysy medalin alǵan eken. Demek laıyqty!

alataunews.kz