Shilde aıynan bastap keıbir aqsha aýdarymdary buǵattalady

Ulttyq bank "Alaıaqtyq belgileri bar tólem tranzaksııalary boıynsha derektermen almasý ortalyǵynyń qyzmetin jáne onyń qyzmetine qatysatyn tulǵalarmen ózara is-qımylyn júzege asyrý tártibine qoıylatyn talaptardy bekitý týraly" QUB basqarma qaýlysynyń jobasyn ázirledi. 

QR Ulttyq banki antıfrod-ortalyǵy iske qosylatynyn habarlady. Antıfrod-ortalyǵy degenimiz ne? Qashan iske qosylady? 

Bul qarjy uıymdary, quqyq qorǵaý organdary, sondaı-aq uıaly baılanys operatorlary qosylatyn tehnologııalyq platforma. Ol alaıaqtyq belgileri bar tranzaksııalarǵa jedel áreket etý maqsatynda jasaqtalyp otyr. 

Alaıaqtardyń shottaryndaǵy aýdarymdar buǵattalyp, úsh kún ishinde qaıtarylady.  Osyndaı talap qoıyp otyrǵan Ulttyq bank normatıvtik quqyqtyq aktilerde qarjylyq uıymdardyń alaıaqtyq belgileri bar operasııalar boıynsha derekter almasý ortalyǵymen ózara is-qımylyna qoıylatyn talaptardyń jobalaryn jarııalady.

Uıymdar alaıaqtyqqa qarsy ortalyqtyń derekqorlarymen árbir tólem tranzaksııasyn tekserýge jáne eger alýshy tólemniń kúdikti benefısıary bolsa, aqsha aýdarýdy toqtatýǵa mindetti.

Eger klıent qarjy ınstıtýtyn eskertkennen keıin aqshany jiberýdi talap etse, tólem qaıta bastalady. Qarjy ınstıtýttary da alaıaqtyq belgileri bar klıentterden tranzaksııalar týraly úzindi kóshirmelerdi qabyldaýǵa jáne olardy alaıaqtyqqa qarsy ortalyqqa berýge mindetti.

- Tólem benefısıarynyń banktik shoty nemese elektrondyq ámııany „aqshany alý sebepterin anyqtaý“ úshin dereý buǵattalýy kerek. Sodan keıin úsh jumys kúni ishinde qarjy ınstıtýty kúdikti shottan blokty alyp tastaýy nemese alaıaqtyqqa qarsy ortalyq pen qylmystyq qýdalaý organdaryna alaıaqtyq áreketi týraly habarlama jiberýi kerek. Osydan keıin jiberýshi úsh jumys kúni ishinde aýdarymyn nemese tólemin qaıtaryp alýy kerek, — dep habarlady Ulttyn banktiń baspasóz qyzmeti.