"Shtrafstan ba": mınıstr elde aıyppul nege joǵary ekenin túsindirdi

Jýrnalıster mınıstrge májilis kýlýarynda eldegi aıyppul somasy kóp ekenin alǵa tartyp, el arasynda "Shtrafstan" dep ataýyna qatysty suraq qoıǵan.

"Zańdy buzbaıtyn azamat úshin qorqatyn eshteńesi joq. Zań buzdy ma, jazalanady. Bul zań men erejeni buzbaýǵa shaqyrady. Aıyppuldy kóbeıtýdegi maqsat – zańǵa qulaq asatyn qoǵam qalyptastyrý. Biz ereje saqtamaıtyn azamattardy tárbıelep jatyrmyz", - dedi mınıstr.

Aıyppuldyń ósýine baılanysty bıýdjetke túsim qanshalyqty artqanyna qatysty suraqqa mınıstr jaýap bermedi.

"Biz mundaı boljam jasaı almaımyz", - dep qysqa qaıyrdy ol.

Aıta keteıik, 2024 jyly AEK 3692 teńgege deıin ósti. Osyǵan baılanysty qazaqstandyqtar úshin aıyppul mólsheri ózgerdi. 2024 jyly avtomobıl qozǵalysynyń jyldamdyǵyn 10-20 kılometrge arttyrǵany úshin aıyppul 5 AEK nemese 18 460 teńge.

Jyldamdyqty saǵatyna 20-40 kılometrge arttyrǵany úshin 10 AEK nemese 36 920 teńge mólsherinde aıyppul, saǵatyna 40 shaqyrymnan asyrǵany úshin 20 AEK nemese 73 840 aıyppul salynady.

Ákimshilik jaza qoldanylǵannan keıin bir jyl ishinde jyldamdyqty qaıta arttyrý 30 AEK nemese 110 760 teńge aıyppulmen jazalanady.

Avtokólikti basqarýǵa quqyǵy joq júrgizýshige kólik tizgindegeni úshin 20 AEK nemese 73 840 teńge aıyppul salynady.

Kólik quralyn basqarý quqyǵynan aıyrylǵandar úshin kólik júrgizý 50 AEK nemese 184 600 teńge aıyppul salynady ne 20 táýlikke qamaýǵa alynady.

Jol belgilerimen nemese joldyń júrý bóligin belgileýmen belgilengen talaptardy saqtamaǵany úshin aıyppul 11 076 teńge.

Baǵdarshamnyń tyıym salý belgisine nemese retteýshiniń tyıymyna qaramastan júrý 10 AEK nemese 36 920 teńge aıyppul salýǵa ákep soǵady.

Quqyq buzýshylyqty qaıtalasa, 15 AEK nemese 55 380 teńge tóleıdi.