94 jastaǵy qarııa áıelin soqqyǵa jyǵyp, úıin órtep jibergen

AstanaTV arnasynyń habarlaýynsha, oqıǵa ornyna eki órt sóndirý bóliminen qutqarýshylar jiberilgen. Olar úıden 4 gaz ballonyn alyp shyqty. Polısııa fakti boıynsha tergeý jumystaryn júrgizip jatyr. 94 jastaǵy qarııa qatty kúıip, aýrýhanaǵa túsken.

Jarylystan buryn zeınetkerdiń áıeli kórshisiniń úıine kelip, kómek shaqyrǵany belgili boldy.

«Galıa, tez órt sóndirýshilerdi shaqyr, qazir úı jarylady. Shal meni uryp tastady, ballondardy aınaldyra qoıyp qoıdy, qolynda balta bar dedi. Men dereý qońyraý shala bastadym. Shulyǵymen ǵana shyǵyp ketipti, ústi-basy qan, aıaq-qolynan soqqy alǵany kórinip turdy. «Galıa ol meni 69 jylda osylaı qatty urdy» dedi maǵan», - deıdi zeınetkerdiń kórshisi 80 jastaǵy Galına Kameneva.

Kórshileri zeınetkerdi «minezi shataq, janjal shyǵaryp júretin adam» dep sýretteıdi. Onyń jasyn syılap úndemegenderin aıtady. Qarııa buryn da birneshe ret osyndaı qylyqqa barmaq bolǵan, sol úshin arnaıy aýrýhanaǵa da jatyp shyqqan kórinedi. Biraq esiniń durystyǵyna baılanysty aýrýhanada uzaq turaqtamaǵan. Turǵyndar qarııaǵa bir shara qoldanýyn surap, polıseılerge de talaı habarlasqan eken.

Jarylystan kórshi úıler de búlingen.