• USD 468.56

  • EUR 497.56

  • RUB 7.3

  • CNY 67.18

15 Maýsym, 18:13:56
Almaty
+35°

15 Mamyr, 2024 NEWS

Bıshimbaevqa túrmede jyly, jumsaq jer daıyn turady - Vadım Kýramshın

Belgili advokat Ǵalym Nurpeıisov Qýandyq Bıshimbaev qarapaıym kolonııada otyrmaıtynyn, oǵan barlyq jaǵdaı jasalynatynyn aıtty, - dep habarlaıdy Qamshy.kz aqparat agenttigi dalanews.kz-ke silteme jasap.

Foto: Joǵarǵy sot

Advokat Ǵalym Nurpeıisov Bıshimbaev buǵan deıin mınıstr qyzmetin atqarǵanyn, al mundaı qyzmette bolǵandar memlekettik qupııany biletinin atap ótti.

«Sondyqtan, meniń oıymsha, Bıshimbaevty qarapaıym kolonııaǵa jibermeıdi. Qazaqstanda burynǵy memlekettik qyzmetkerlerge arnalǵan kolonııalar bar. Bizde Qańtar oqıǵasynan keıin jazasyn ótep jatqan laýazymdy qyzmette bolǵan adamdar kóp qoı», — deıdi Ǵalym Nurpeıisov AIRAN medıasyna bergen suhbatynda.

Al «Biz birgemiz» ortalyǵynyń basshysy Vadım Kýramshınniń aıtýynsha, Bıshimbaev sekildi adamdarǵa qarapaıym sottalýshylarǵa qaraǵanda jaqsy, jaıly jaǵdaı jasalady.

«Meniń oıymsha, Bıshimbaev túrmege kele sala oǵan jyly, jumsaq jer daıyn turady. Túrmede sottalýshylar qarapaıym qyzmetker bolyp jumys istep, aqsha taýyp júrse, ol brıgadır bolady. Sol jerde turyp, barlyq jaǵdaıy jasalady. Ol bostandyqta júrgen kezindeı-aq tamaqtanady, materıaldyq jaǵdaıynyń arqasynda qalaǵan adamymen kezdesedi.

Ata-anasy jasy kelgen kisiler ekenin eskerip, olarmen kóp kezdespeýi múmkin. Biraq «Iýlııa sýpermen» kezdese alady. Mundaı vıp-jaǵdaıdyń quny sottalýshynyń ózine baılanysty. Biraq túrme ákimshiligi Bıshimbaevtan aqshany qysyp turyp kóptep shyǵaryp alady dep oılaımyn», — deıdi Vadım Kýramshın.

Ol Bıshimbaev shetelge ketip qalýy múmkin degen oımen kelispeıtinin aıtty.

Eske salaıyq, 13 mamyrda atyshýly Bıshimbaev isine qatysty sot úimi shyqqan bolatyn. Áıelin uryp óltirdi degen kúdikke ilingen Qýandyq Bıshimbaev 24 jylǵa sottalsa, qylmysty jasyryp qaldy degen kúdikke ilingen inisi 4 jylǵa bas bostandyǵynan aıyryldy.

"Qamshy" silteıdi
Ilmek sózder: jaza Bıshimbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir