23 Naýryz, 2024 Saıasat
Qazaqstan men Reseı: «Báıterek» zymyran keshenin qurý barysyn talqylady
Qazaqstan Respýblıkasy Premer-Mınıstriniń Birinshi orynbasary Roman Sklıar Reseı Federasııasy Úkimeti Tóraǵasynyń orynbasary – Indýstrııa jáne saýda mınıstri Denıs Mantýrovpen kezdesti
Foto: primerministr.kz
Jıynda «Baıqońyr» kesheniniń negizgi máseleleri talqylanyp, taraptar birlesken «Báıterek» ǵarysh zymyran keshenin qurý jobasynyń oryndalý barysyna erekshe nazar aýdardy. Olar jobany júzege asyrý jumystary buryn qol jetkizilgen kelisimder men jasalǵan sharttarǵa sáıkes júrgizilip jatqanyn atady.
Sondaı-aq kezdesýde qazaqstandyq tarapqa jerústi ınfraqurylymyn qurý men «Báıterek» ǵarysh zymyran keshenin jańǵyrtý jaýapkershiligi júktelgen jobany iske asyrýdy jalǵastyrý boıynsha odan ári birlesken is-qımyldar tártibi kelisildi.
Odan bólek, taraptar ekijaqty yntymaqtastyqtyń ózekti máselelerin jáne Baıqońyr qalasyn damytý perspektıvalaryn talqylady. Atap aıtqanda, Qazaqstan Respýblıkasy azamattaryna Baıqońyr qalasyna kirýge/shyǵýǵa ruqsattardy elektrondy túrde berý máselesi talqylandy.
Kezdesý qorytyndysy boıynsha eki jaq «Baıqońyr» kesheni ınfraqurylymynyń áleýmettik-mádenı áleýetin tıimdi paıdalaný jáne damytý maqsatynda ózara is-qımyldy jalǵastyrýdy kelisti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir