02 Sáýir, 2024 Barlyq aımaqtar
Ázirge tasqynnan kelgen zalaldy barlyq óńir eseptep bitpedi
Fotokollaj: Ulysmedia
Sý tasqynynan zardap shekkender ótemaqy alý úshin ákimdikke baryp ótinish jazý qajet. Kelgen shyǵyndy arnaıy mamandar 10 kúnniń ishinde anyqtaýy tıis. Shtabty basqarǵan Premer-mınıstr zardap shekkenderge qysqa merzimde kómektesip, materıaldyq zalaldy óteýge tapsyrma berdi.
"Sý tasqynynan keltirilgen shyǵyn kólemin anyqtap, zardap shekken adamdarǵa dereý materıaldyq kómek kórsetilýi kerek" deıdi QR Premer-Mınıstri, Respýblıkalyq shtab tóraǵasy Oljas Bektenov.
Qazir árbir turǵyn aýdan, aýyldyq okrýgter ákimdiginiń jedel jelisine habarlasyp, keltirilgen zııan týraly habarlaı alady. Senim telefony: 8 (710) 31-21-5-09, 21-3-04.
Is-áreket algorıtmi:
1. materıaldyq zardap shekkender TJ týyndaǵan kúnnen bastap kúntizbelik 30 kún ishinde JAO-ǵa materıaldyq zalaldy óteý týraly ótinish beredi.
2. JAO ótinish tirkelgen kúnnen bastap 10 jumys kúni ishinde keltirilgen zalaldyń mólsherin baǵalaýdy uıymdastyrady.
Turǵyn úıi qaýipti dep tanylǵan zardap shekken azamattardyń tizimin jergilikti ákimdikter qalyptastyratyn bolady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir