«Ýaıymdamańyzdar, memleket pen kásipkerler shyǵyndy ótep beredi» – Toqaev

Osyǵan qatysty Prezıdent Úkimetke shuǵyl túrde sheshim qabyldaýdy tapsyrdy.

«Taǵy da qaıtalap aıtamyn. Tasqynnyń aldyn alý isine árbir laýazym ıesi tikeleı jaýap berýge tıis. Sizderdiń jumystaryńyzdy nemquraıly jáne kásibı mindetke saı kelmeıdi dep baǵaladym. Sonyń saldarynan azamattarymyz úlken materıaldyq shyǵynǵa ushyrady. Olar densaýlyǵy men ál-aýqatyna zııan keltiretin turmystyq qolaısyzdyqtarǵa tap boldy. Árıne, memleket shyǵyndy óteý úshin sharalar qabyldaıdy. Azamattarǵa aıtarym, alańdamańyzdar. Memleket, sondaı-aq, kásipkerler barlyq shyǵyndy ótep beredi. Biraq qarjylyq jáne saıası shyǵyndar orasan zor. Ony da eskerý kerek. Sondyqtan Úkimetke júkteler jumys kóp. Qysqasy, talap qatań bolady», – dedi Prezıdent.

Aıta keteıik, búgin Prezıdent Qasym-Jomart Toqaevtyń tóraǵalyǵymen sý tasqynyna qarsy sharalardy úılestirý jáne qarǵyn sý júrý kezeńiniń saldaryn joıý jónindegi respýblıkalyq shtab otyrysy ótti.