Depýtat ýtılalym mólsherin 150 myń teńgeden asyrmaýdy usyndy

Senat depýtaty Bekbol Orynbasarov kólikke qatysty ýtılalym jáne alǵashqy tirkeý tólemderine qatysty Úkimet basshysyna depýtattyq saýal joldady. 

Depýtat óz saýalyn premer-mınıstr Oljas Bektenovke joldady.

Onda senator avtokólik alýǵa jeńildetilgen nesıe berý baǵdarlamasy halyqty jańa avtomobıldermen qamtamasyz etý maqsatyn oryndaı almaǵanyn jetkizdi. Sondaı-aq jańa jáne sapaly avtomobılderge qol jetkizýdiń qıyndyǵy kólikti esepke qoıýdaǵy zańsyzdyqtyń kóbeıýine sebep bolǵanyn atady.

«Qozǵaltqysh kólemi eki myń tekshe santımetrge deıingi, shyqqanyna 3 jyldan aspaǵan avtomobılder úshin ýtılalym mólsherin 150 000 teńgeden aspaıtyndaı etip qaıta qaraýdy suraımyn. Kedendik bajdy esepteý kezinde onyń kórsetkishin azaıtý jaǵyna qaraı qaıta qaraý kerek. Qazirgi kezde avtokólikterdiń birazyn Qytaıdan Qazaqstanǵa Qyrǵyz Respýblıkasy arqyly ákelinetin faktiler bar. О́ıtkeni avtokólik ıeleri QQS pen bajdy bizdiń memleketimizge qaraǵanda birneshe ese az tóleıdi. Shyǵarylǵan jylyn qosa alǵanda, bes jylǵa deıin kólik quraldaryn memlekettik tirkegeni úshin alym mólsherlemesin 0,25 AEK kóleminde qarastyrýdy usynamyn», – dedi Bekbol Orynbasarov.

Senator atalǵan usynystar Qazaqstan azamattaryna sapaly jáne baǵasy tıimdi avtokólikterdi alýǵa múmkindik beretinin aıtty.